خلال فترة دراستي في استراليا واجهت الكثير من المشاكل وجميعها تحل بطريقة ودية وسلسة بدون أي تدخل للقانون الا مرة وحده من خلال فواتير ما اندفعت لكن في النهاية سحبوني مع اذني لكن في الاخر سددتها الحمد لله . امور اخرى جميعها تحل بالود مهما كانت صعبه في النهاية راح تنتهي برضى الطرفين الا مكاتب العقار !!
مكاتب العقار في استراليا يتمتعون بحقارة مع وساعة وجه ما عمري شفت مثلها. تعاملت مع اربع مكاتب عقار خلال السنتين اللي راحت وجميعهم توجد لي معهم قصة غير عن المكتب الاخر. عندما انتقلت من بيت العائلة في بداية دراستي في استراليا استأجرت شقة صغيره على قدي واستمرت الامور تمام مع دفع الايجار خلال فترة العقد . الجميل في استراليا هو وجود جهة حكومية تفصل في المشاكل اللي تصير بين المستأجر والمؤجر وتحفظ حقوق الاثنين وتوقف في صف المستأجر احيانا. في بداية توقيع العقد التأجير لابد من دفع تأمين يغطي تكاليف الاضرار اللي ممكن تحدث للشقة خلال فترة التأجير ولضمان دفع مبلغ الاجار خلال الفترة. هذا المبلغ يعتبره مكاتب العقار حق من حقوقهم اللي لازم ياخذون منه اكبر قدر ويتركون لك فتات عن قولة ترانا ما نصبنا عليك !!
بعد انتهاء العقد مع الشقة الاولى قررت الانتقال لشقة أكبر شوي , حطيت عند المكتب خبر اني راح اطلع في اليوم الفلاني طبعا كنت جاهل بالنظام اول الفترة وهذا خلى المكتب يستغل الفرصة عشان يلهف مبلغ التأمين. جاني خطاب من المكتب الحكومة يطلب توقيعي وموافقتي على الاشياء اللي طلبها المكتب انها تصرف له وكان اغلبها تنظيف كامل للشقة بحكم اني “مانظفتها زين” على كلام المكتب . رحت للمكتب عشان اخذ منه قائمة بالاشياء اللي صرفها في الشقة ومعها الايصالات حتى اتأكد انه بالفعل صرفها ماينصب. خذت اللسته وكان من ضمنها مبلغ ٢٧٠ دولار لانه عطاني توصية جيده لمكتب العقار الجديد وخلاني استأجر منه !!! طبعا انا ما خش مزاجي هالبند أبد. اتصلت على المكتب الحكومي استفسر منه هل له الحق في هذا والا لا طبعا مات الموظف من الضحك وقال خلاص بنكلمهم لانه مب من حقهم يطلبون شي زي كذا. ووافقت على البنود الثانيه وتمت اول عملية نصب ومن هنا بديت ما أثق في اي مكتب عقار مهما كانت سمعته ..
هذي القصة الاولى ولأني حسيت اني كتبت كثير راح اخلي القصص الثانيه في التدوينة القادمة 
March 10th, 2010 at 3:26 AM
هلا فهد . .
مقدّر وضعك تماماً ، ولا أقول مقدرّه لأني مريت بنفس اللي مريت فيه . . لكن على الأقل وإنت تتكلم عن قصتك اللي حصلت لك ، قاعد أتصوّر الوضع عندنا في ” غرب أستراليا ” . .
مكاتب العقار ، ما يسلموّنك ويأجرونك الشقة إلا بعد ما يتأكدون ويضمنون إنك كويس ، وإذا سهلها ربي وحصلت على شقة ، بتستلم قبل توقيع العقد ملف مفصّل لكل صغيرة وكبيرة في الشقة – حتى المسامير المطقوقة في الجدران – وهالتقرير هذا ترسل منه نسخة للجهة الثالثة – الحكومية – اللي بدورها تحتفظ بالتأمين اللي تدفعه بعد توقيعك للعقد .
لا ننسى بعد التفتيش اللي يسوونه المكاتب كل فترة – كل 3 شهور – على الشقة على أساس يضمنون حقوقهم وإنك محافظ على الشقة سليمة !
بالنسبة لي ، تجربتي حتى الآن جيدة ، صحيح – ياويلك لو تتأخر في الأجار يوم واحد ! – لكن في المقابل لو صارت أزمة لك لا قدّر الله أو مشكلة في المنزل خلال فترة استئجارك ، يتفاعلون معك بشكل رائع وسريع جداً . . وهذا شيء لمسته منهم بصراحة .
تبقى سمعة المكتب مهمة ، وطريقة تعاملك كـ مستأجر ومحافظتك على العقار مهمة .
في انتظار سماع باقي القصص يا وحش
March 10th, 2010 at 11:14 AM
يا شين التقليد!
March 21st, 2010 at 6:02 PM
كلامك هذا خوفني من الاستئجار من هالمكاتب!
شكلي بتم على الشقق الفندقية أخير لي
March 24th, 2010 at 3:52 PM
اخ بس جبتها ع الجرررح اخووي
لا ولا التأميين مستعملييين نظاام الي يدخل بالجييب ماا يطلع
يطلعوون لك خرااب من تحت الارض
لا والكتشااف الخطيير مصور رااعي مكتب العقاار كل زااويه بالبييت فديوو
اكثررر شي يقهري هنا
لما يجي راعي البييت كل شويا مرا يبغى يعدل المغاسل ومرا مدري اييييه
تحس انو البيت صاار سبييل وماافي خصووصييه
وتجي تلقا الاستراالي هذا يتفحص البييت
شي ينرفز مرااا
ولا يجتهدوون يصبغوون كل البيت ابيض بابيض عشاان كل حاجا تبااان !!
(مبلغ ٢٧٠ دولار لانه عطاني توصية جيده لمكتب العقار الجديد وخلاني استأجر منه !!! )
ايوا واذا حب يتملعن قاام حط لك نقطه سوداا وصارو المكااتب ما يرضو يأخرون لك
اجل حسن سيره وسلووك هههههههه
تحس نفسك بمدرسه مو فبييتك !!
عواافي اخووي..