من زمان ما شفنا مناقر بين الهلال والنصر على لاعب. الصجة اللي صارت خلال الاسبوع الماضي على عيسى المحياني ما اشوف انها تستاهل لدرجة المزايدة, ترا مب من زين لعبه !! المحياني والله حرام فيه 28 مليون ريال حتى 10 مليون والله حرام تندفع فيه . يعني لاهوب اللاعب المهاري اللي تقول يشيل الفريق او لاعب قائد , اوكي هداف لكن ما يستاهل المبلغ هذا كله وهالمزايده. النصر أبد ما يحتاج لاعب في خانة الهجوم كل اللي يحتاجه هو كم لاعب في خانة الوسط. مبلغ اللاعب راح يكلف النصر لدرجة انه ما راح يجيب غيره هالموسم وبيحط حيله في لاعب بينما يقدر يوظف هالمبلغ في جلب أكثر من لاعب في خانة الوسط والدفاع.
اذا رغبة اللاعب في الهلال خلاص يروح للهلال وبلى صجة واتمنى من النصراويين انهم يتنازلون عن اللاعب لانه مب اللاعب اللي يندفع فيه هالمبلغ لكن اذا جا خير وبركة حياه الله لكن ما راح يأدي مثل ما راح يأدي مع الهلال بكل بساطة لان ما وراه وسط ولان نفسية اللاعب ما راح تخليه يبدع اذا كان يلعب مع فريق مايبيه.
January 16th, 2009 at 7:26 AM
بالضبط !
كلامك عين العقل ، اللاعب رافض اللعب مع النصر ، و أيضاً الأخ النصر ماعنده صانع لعب زي العالم والناس !
إذا سعد الحارثي اللي أفضل منه ألف مره مو قادر يسوي شي ! لازم يرجع ويحضر الهجمه بنفسه لأن ماوراه الا كديش !
يعني بإختصار صفقه عيسى المحياني لن تفيد النصر الا بشكل بسيط ، النصر يحتاج لوسط زي العالم والناس ، بدل الكديش اللي في وسطه !
المفترض هالمبلغ يجيب فيه مجموعه لاعبين زي العالم والناس ، كما أن الكويكبي يبغى النصر ! و بنظري أنا أشوفه أفضل من المحياني و ياليت والله الهلال ياخذه بدال هالمحياني اللي خلوه يسوى وهو ماعنده ماعند جدتي !
أخيراً ، السالفه قلبت كسر خشوم ، و صدقني مادامت صارت كذا فأحنا بنرجع لسالفه ياسر القحطاني اللي صارت ، و عموما ما أظن نهائيا أن الصفقه بتتجه للنصر ، خصوصا في ظل دخول بندر بن محمد فيها
، و هو من حسم صفقه ياسر ، و بشار و غيرهم ، فالرجل متمكن جداً في مفاوضاته ، و قادر علي جلب اللاعب بسهولة.
ولينعم المهايطيون ، خصوصا أبو ٤٠ مليون حقت ياسر
تحياتي و أشواقي الساخنه .. ومبروك تأهل منتخبنا
January 16th, 2009 at 5:01 PM
عجزت اقتنع بالموضوع كامل
January 16th, 2009 at 6:59 PM
اخوي فهد ..
النصر هدفه دائماً الدخول في مهاترات مع اي شي يخص الهلال ..
تصدق احسهم الحين رفعوا قيمة العقد الى مبالغ ما يقدرون عليها
عشان يقولون لجماهيرهم احنا ترى سوينا اللي علينا !..
اول مره اشوف لاعب يقول أبي الهلال ويجيك النصر وينشب فيه نشب !
ياخي اللاعب ما يبي النصر .. خلال شوفوا غيره والمبالغ اللي عندكم
تجيبون 4 لاعبين على مستوى كبير كبير ويفوق المحياني نفسه ! ..
انا هلالي واتمنى المحياني مو عشانه كويس .. عشانه افضل من الموجودين
أمثال (العنبر , السعود , الصويلح) .. يمكن الصويلح يعتبر بمستوى المحياني
بس لعبت فيه الإصابات كثير ..
الحين تعاقدنا مع سيول اللاعب الكوري وموجود ياسر .. ووراهم ويلهامسون والتايب
احس الهلال اذا ما اخذ هالسنة بطولتين من الأربع .. بعتزل التشجيع هههه
July 21st, 2009 at 7:36 AM
لا تعليق ,,,
بس حبيت اهنيك على المدونة الحلوة ,,, =)
July 28th, 2009 at 12:45 AM
قايلك