ألاحظ في الايام هذي زيادة الوعي لدى المستهلك السعودي باقتناء النسخة الأصلية من كل شي ابتداء بالبرامج وانتهاء بالملابس الرياضية ,, والا من متى نشوف احد يشتري طقم اصلي والا اكوام البرامج الاصلية في محل والناس تشيل منها ؟؟
كانت سهرة جميلة اليوم , شكرا ياشباب #
ألاحظ في الايام هذي زيادة الوعي لدى المستهلك السعودي باقتناء النسخة الأصلية من كل شي ابتداء بالبرامج وانتهاء بالملابس الرياضية ,, والا من متى نشوف احد يشتري طقم اصلي والا اكوام البرامج الاصلية في محل والناس تشيل منها ؟؟
December 27th, 2008 at 1:02 PM
في أي حي ذا الكلام شكلك تلخبط بين القولد كوست والرياض!!
December 27th, 2008 at 1:39 PM
يالمحارب وين انت عايش .. أي وعي وأي مستهلك ؟
الملابس أوكي أتفق معك لأن فيها فائدة وهي جودة المنتج واستمراره بنفس التميز فترات طويلة
بس البرامج بصراحة ماقد شفت إلى يومك أحد يشتري برنامج أصلي .. لاحظ أني انترنتي من عام 99 ..
محلات الإغاني والإفلام : قرصنة
مشاهدة القنوات الفضائية : قرصنة
جزء كبير من الملبوسات : قرصنة في قرصنة
أجهزة الجوال وإكسسوراتها : قرصنة في قرصنة
مابقى الا ناكل قرصان
هذي مشكلة اللي يروح استراليا ويتطور ههههه
December 27th, 2008 at 1:47 PM
انا عن نفسي مافيه برنامج في جهازي الا ومقرصن وماعمري شريت شي ابد لا برامج ولا غيره ,, لكن اللي اشوفه عند كم واحد انه عنده استعداد يدفع مبلغ وقدره عشان يشتري شي عليه القيمة ,, طبعا بدري علينا اننا ندفع مبلغ اكثر من 10 ريال في برنامج ,, لكن مريت قبل فترة رايح اصلح لابتوبي ودخلت محل لقيت عنده برنامج الكاسبر سكاي أصلي وعارضها للناس ,, قلت أهبل هذا محد شاري منه لكن خلال دخلتي للمحل جو ثنين شروا البرنامج اصلي …
غير الملابس الرياضية ,, مابي اسوي دعاية لكن رح Juventus store اللي عند مركز النمر وشف العالم اللي عنده ولا اضن انه فتح ومافيه سوق !!!
ياعمي ما نروح بعيد .. البلايستيشن 3 كل اشرطته اصلية وشوف العالم اللي تشتري .. مع انه قبل مستحيل تلقى احد يشتري شي اصلي ,, مير بتقول وش هالمهبول اللي شاري اصلي …
December 27th, 2008 at 1:58 PM
يافهد اللي يشترون أصلي للبلايستيشن لأنهم منحدين ومافي غيره، لكن شف مستخدمي الاكس بوكس ولا الوي غالبيتهم يستخدمون المقرصن ماعدا البعض اللي يبغون يلعبون اون لاين.
بخصوص الملابس انت قلتها جمب مركز النمر
هذوليك طبقة ثانية لكن خل ذا المحل يفتح في العريجاء ولا بالسلي بيجلس يكش ذبان.. صح
December 27th, 2008 at 2:09 PM
كثير اللي يشتري العاب اصلية للاكس بوكس عشان ما يدخل في مشاكل مع الاونلاين ومشاكل مع الشركة نفسها عشان ما يتقفل حسابه …
المحل اللي تكلمت عنه محل رياضي يبيع أطقم الاندية اللي راعيتها شركة نايكي.. الفنيلة الوحده ما يقل عن 200 ريال ومع ذلك في فنايل مخلصة عنده ومسوي طلبيه لكمية ثانيه … يعني ذولي بامكان الواحد منهم يمر البطحا والا اقرب محل عنده وياخذ تقليد ويمشي ,, ليه ياخذ اصلي بالمبلغ الفلاني؟؟
أتوقع صار عند الناس قابلية انه يدفع في شي يستاهل واصلي وبدون ندم
July 8th, 2009 at 4:46 PM
ببالنسبة للبرامج ألاحظ زيادة من يهتم باستعمال البرامج المجانية