ينظم المعهد مع المعاهد الثانيه مباريات وديه يجمعون لهم كم واحد ويفرقون في ملعب صدقي مب استراحة .. لعبنا المباراة الاولى قبل اسبوعين كانوا كلهم برازيليين الا انا وكل واحد فيهم صاير ماردونا وانصكينا 4-1 وكان اللعب بربسه لدرجة كل هجمه مغيرين الحارس .

لعبنا المباراة الثانيه الاسبوع الماضي وسبحان الله كن ظافر ابو زنده هو الحكم . لكن في الاخر هالبرازيليين فنانين لكن لين جا الجد ماعندك احد واحسن مافينا المدرب اللي ماشي على نظام ناصر الجوهر شدو حيلكم وبنفوز ,, الاسبوع الثاني رحت واشتري لي كنادر ذكرتني باوهين كيندي .. ونجي ونلعب والظاهر انها سوت تاثير عليهم ,, كن مافيه في الملعب الا انا يكسرونه لدرجة وصلت انهم يكسروني وياخذون الفاول هم

الطريف وشو .. ان هالبرازيليين فيهم انانيه مابعد شفتها في احد يمسك الكورة من الدفاع للهجوم ما عنده مشكلة انه ما يناول وخله يلعب على مزاجه لا تقوله امسك هالخانه والا رح لهالخانه والا امسك حارس ,, انا برازيلي وامسك حارس ؟ ياعيباه بس

أحدث اليوتيوب طفرة في مشاهدة مقاطع الفديو عبر الانترنت ومشاركتها مع الاخرين بعض الاشخاص تجده ادمن الجلوس على الانترنت بسبب الموقع. أعرف شخص ماكان يعرف من الانترنت الا الايميل لكن بعد ما عرفوه الشباب على اليوتوب ماعاد قام من على الجهاز.

مدمن اليوتوب هو اللي دايم تلقى ماسنجره بالخارج , مايبي احد يكلمه وفي بعض الاحيان تلقاه حاط رابط لمقطع في البرسونال مسج حقه وفي احايين كثيره لين سولفت معه سحب عليك بدون ما يحس وهو يشوف له مقطع. تلقاه احيانا اذا كان يطقطق عليه والا لقى شي مضحك تلقاه يوزع الرابط على اللي في الماسنجر كلهم وممكن يحطه توبيك عشان يوصل للي حاضرينه

مدمن اليوتوب تلقاه دايم لحاله ورافع للسماعات عشان تسمعون معه ما ينفع يسمع لحاله وان تجمّل تلقاه حاط سماعات لكن ما راح يفكك من اصوات الضحك مع كل مقطع. وكله كوم وانه يجي يقول تعال شف هالمقطع ,, طبعا تجامل وتجي تشوف وتضحك مجاملة لكن في الاخير تقول ,, وش يحس به ذا ؟؟؟

نشرت صحيفة استرالية احصائية لمبالغ عقود اللاعبين الذين لعبوا لمانشستر يونايتد المباراة الاخيرة في الدوري وصل المبلغ الى 555 مليون دولار !! كان الاغلى كريستيانو رونالدو 132 مليون دولار يجي بعده فرديناند 70 مليون والفتى الذي لم يتعدى العشرين من عمره 36 مليون دولار ,, فيما تمت الاشاره الى السير اليكس فيرقسون بانه اكبر من ان يقيّم

واحلى تحية للعقود اللي ما تتعدى 3 مليون ريال