ياخوفي هذا اللي يصير بعد الزفة اللي سواها الاعلام السعودي بعد التأهل للنهائي وكأننا خذنا الكاس وكأنهم يقولون العراق في مخبانا, مثل ما انت تاهلت للنهائي بجدارة هم بعد تأهلوا بجدارة وياخوفي هالزفة تأثر على اللاعبين لانهم حطوا الفوز على اليابان هو البطولة, والعراق كانهم ضامنين الفوز عليه. وراح تتذكرون كلامي بعد المباراة !!!
تحديث : ألف مبروك للعراق المستوى والبطولة وماقصرتوا يا فريق الاحلام مع انكم ما قدمتوا المستوى اليوم.
قالكم كلامي ؟ 
أقف احتراما صراحة لانجوس اللي طلع لنا منتخب منسق ومنظم ومتفاهم واهم شي يلعب لعب جماعي واهم شي قدروا شبابنا انهم يلعبون بطريقة المثلثات اللي ما قد شفنا المنتخب يلعب فيها ابد هالطريقة واحد من الشباب يطبقها علي في البلايستيشن ولا اقدر اسوي شي الا انه ضغطي يرتفع واتفرج عليه :@ .. قبل لا يبدا كاس اسيا كانوا الشباب يقولون لي انهم متخوفين من انجوس ووصلت بواحد انه يسميه “بالمهستر” لان اغلب التشكيلة اللي اختارها من الشباب ونلاحظ انه مافيه ولا واحد من اللاعبين اللي طاقينها اساسي من عرفنا المنتخب وكأن مافيه الا هم في السعودية لكن مع انجوس طلعت المواهب اللي ما كنا ندري انها موجودة وانتهى عصر 9 من الهلال و 8 من الاتحاد وهذا المنتخب الحين نشوف من كل الاندية ماخذين لاعبين هذا يعني ان المدرب يلتفت لامكانيات اللاعب وما يلتفت لاسمه او في اي فريق يلعب, كانوا يسألوني الشباب من تتوقع التشكيلة اللي بتلعب ماكنت اجاوب لان اغلب اللي في المنتخب شباب وما عندهم خبرة فما قدرت اجاوب. المنتخب الى الان ماشي في الطريق السليم وكل مباراة يبدع اكثر من اللي قبلها وهذا مؤشر جيد شفنا البرازيل في كوبا امريكا ماكانت في المستوى ابد في اولى مبارياتها حتى انها انهزمت من المكسيك في اول مبارياتها لكن في النهاية خذت الكاس على عكس الارجنتبين اللي بدت قوية وانتهت ضعيفه وخسرت الكاس. المباراة الجاية مع اوزباكستان واتوقعها لنا 3-0. في النهاية لو يفكنا الاعلام من انتقاد انجوس على الصغيرة والكبيرة وتابعوا التحليل بعد اي مباراة للمنتخب على القناة الرياضية
تصميم بسيط للمنتخب حيث تنصهر الوان الاندية ولا يبقى سوى اللون الاخضر
اليوم مباراة السعودية واندونيسيا اللي اتوقع انها راح تكون مفاجأة البطولة بعد فوز فيتنام على الامارات ,, لكن ادعوا بسلامتنا لين فزنا عليهم .. اضراب جماعي للشغالات والسواويق 
,, بيروحون فيها البنات 
تحديث : الف مبروك للمنتخب هذا سعد الذابح هذا
المطاعم اليوم بيمشي سوقها مافيه شغالة بتطبخ اليوم
