ألف مبروك لكل نصراوي على هذا التأهل الملحمي ,,
جمهور مرعب حقيقه لكن الحمد لله 
تحديث :
ردة فعل الشباب في الدوام اليوم كلهم يباركون , حتى واحد منهم رايح لمقهى هو واخوياه هلاليين يشجعون النصر ,, حتى مباراة الذهاب اللي في الرياض كان وراي حوالي 3 هلاليين جايين مع كم نصراوي اخويا 
.. روح ما شفناها من زمان
November 28th, 2006 at 9:16 AM
ألف مبروك
ويستاهلون النصراويه كل خير
وعقبال البطولة
November 28th, 2006 at 3:37 PM
الف مبروك…
امس اخواني كلهم هلالين بس قاعدين يشجعون النصر بحماس…
احس كأنهم راحمين النصر ماادري ليه…..
November 28th, 2006 at 7:43 PM
مبروك ،،،
والوعد مبارة الدوري الجاية إذا حافظوا على نفس مستواهم أو أحسن . و قدر الله لهم الفوز ياكثر اللي بيزعلون
November 28th, 2006 at 10:27 PM
كنت سهران البارحة مع شباب… وجالسين يتفرجون على المباراة واحد منهم بس نصراوي والبقية أغلبهم هلاليين… الشاهد إن الكل كان مهتم وراحمين النصر علشان الجمهور… وطبعاً أنا تركت الكورة منذ مبطي (أهلاوي سابق) وجالس ألعب بلوت وماني بحول المباراة… ولكن من الحماس حق الشباب لما جاء الهدف الثاني للنصر وبدون شعور الكل قام يصفق (بما فيهم أنا
)… لكن بصراحة النصر تأهل بالبركة 
.
مبروك التأهل وعقبال البطولة…
تحياتي؛؛؛
November 29th, 2006 at 1:23 AM
ماشي صح :: الله يبارك فيك حبيب قلبي
FATOOO : يمكن وطنية
خالد : هين لين فاز النصر طبايعهم فوزوا علينا وخلوا لنا البطولات
أبو سعد : اما بالبركة حرام عليك ياخي ,, 80 الف متفرج وانا الي منيب في الملعب وخايف منهم
والحكم متحامل بقوة على النصر ومع ذلك فازوا وتقول بالبركة ,, يارااااااقل
November 29th, 2006 at 8:47 AM
وخذ عندك واحد هلالي يقول :
مبروك لكل نصراوي ..
الوطنية فوق كل شي
November 29th, 2006 at 8:49 AM
مشغول : أحيان احس اني المدون النصراوي الوحيد
November 29th, 2006 at 9:05 AM
أنت المدون النصراوي الوحيد ؟؟؟؟
وأنا وين رحت !!!
November 29th, 2006 at 5:54 PM
مبروك الفوز إنشاء الله الدوري الجاي
November 29th, 2006 at 11:40 PM
الله يبـارك بعمــرك محـارب + فهـد + اي نصراوي
عـاد هالمبــاراة من أصعب المبـاريـات اللي مـرت علي أسباب كثيـرة خلت الفوز في المبـاراة له طعم خـاص
أولاً: عنـدي اختبار صبح الثلاثاء وباقي لي chapter كامل ما وصلته
ثانياً : الصقـور لاعب وفـزنا !! معجزة
ثالثاً : مجدد أشتراكي بـ 600 ريال بس علشان هالمباراة
رابعـاً : هـدف الحـارثي غطى على هدف ساها اللى كنت مبسوط فيه هذا الأسبوع
خامساً : الفوز عطاني دافع معني وحليت حل غير طبيعي في الاختبار
الا ما تحس أني مسكت خط في الأسباب شوي شوي الا وانا ومخلص DB حقتــك
الف الف مبـروك مرة ثانية ومعليش على الاطالة
أقـرب البعيـد!
November 30th, 2006 at 5:49 AM
ولد أخوك النصراوي :
نسيتك
فاطمة الزهراء :
يارب
أقرب البعيـد:
ياحبيبي سالفة الصقور سالفة .. ربك ستر بس
اما الحارثي هدفه كنه الهدف حقه العام في الوحدات الاردني.
واخييييييرا لقينا واحد نصراوي