ألف مبروك لكل نصراوي على هذا التأهل الملحمي ,,

جمهور مرعب حقيقه لكن الحمد لله

تحديث :

ردة فعل الشباب في الدوام اليوم كلهم يباركون , حتى واحد منهم رايح لمقهى هو واخوياه هلاليين يشجعون النصر ,, حتى مباراة الذهاب اللي في الرياض كان وراي حوالي 3 هلاليين جايين مع كم نصراوي اخويا .. روح ما شفناها من زمان

يقولون ان هالمطر ماهوب مطر >> الله من زين الحتسي
يعني هالامطار اللي على السعودية كلها امطار صناعية ,, يعني كابين مواد مدري وش يسمونها على السحاب عشان يجمع المطر وينزل !!

صدز ؟

ياصبر الارض بس ,, كل البنك كوم وحارس الامن حق البنك كوم “حنا ملتزمين بالنظام ” قلت لعنبوا نظام متمسك به , صار الدوام من 9 الصبح لين الساعه 5 العصر وبريكات الصلاة وبريك غدا من 12 لين 1 الظهر ,, الحين اللي اخبره ان هالنظام من الشهر الجاي يعني المفروض باقي 6 ايام عشان تطبقه والربع من عقب العيد وهم مطبقينه وتلقا هالبنك مسكر والبنوك الثانيه فاتحه وزود على المر , مافيه دوام خميس كن البنوك ما عاد تفتح الا عشان سوق الاسهم من جد تدلعوا زياده ومصخوها مؤسسة النقد , مسؤول في مؤسسة النقد في مؤتمر صحفي قديم قال البنوك لا تشيل هم اي شي المؤسسة تعاملها مثل الام الحنون ,, الله يصبرنا بس

أنهيت في الفترة الماضي تصميم مدونة سنّ القلم ..

اللي خلاني أكتب هالموضوع اني دخلت محل صراحة اول مره اشوفه في السعودية ,, خاص بالالعاب اللي تنمي القدرات الذهنية أو بمعنى أخر التفكير الابداعي .. عرف الدكتور طارق السويدان الابداع بانك تشوف الشي بطريقة ما يشوفها أحد غيرك . بمعنى اخر هي تنمية للقدرات العقلية بتقنيات معينة تمكنك من حل المشكلات اللي تواجهها في حياتك اليومية بشكل أسرع وأكثر فاعلية وبطريقة ابداعية. وعلى سبيل المثال لو ارسل مربع واوريه اكثر من شخص مثلا كلهم قالوا هذا مربع ما يمكن يكون غير مربع لكن وريناه واحد ثاني وقال لو غيرنا في هالشي وحطينا خط هنا صار شكل ثاني ومب اي شكل ,, يصير شكل مفيد وعملي ..

الامور هذي وتقنيات التفكير الابداعي لها دورات هنا في الرياض مدتها قصيره حوالي 10 ايام يعلمونك فيها التقنيات اللي تخليك تحل المشاكل وتفكر بطريقة ابداعية .. بمعنى اخر يعلمونك شلون تفكر ..

الامر هذا ما قبلوه الاخصائيين النفسيين وقالوا ان المخ هو المخ وان القدرات الفردية هي نفسها من يولد الى ان يموت ونسبة الذكاء تكون ثابته في مدى معين مستحيل يتعداه الشخص .. مثلا لو سويت لك اختبار ذكاء وصارت درجتك 100 وسويت اختبار لك في نفس الوقت وصارت درجتك 110 ,, ماعندك مشكلة لان الذكاء مب شي ثابت .. وممكن تلعب به في مدى معين .. بمعنى اخر ان كل الكلام حقين التفكير الابداعي خرابيط ..

من الاقرب للصواب الفريق الاول والا الثاني وهل واجهت احد او انت بنفسك دخلت في احد دورات التفكير الابداعي أو قريت عنها وشدك الموضوع ؟؟؟