حقيقة ما بعد شفت بنك مثل هالبنك واشره على المنشئات اللي تتعامل معه يعني حنا يالمعهد مغلوب على امرنا اننا لازم نفتح حساب فيه عشان توصل لنا المكافئات عليه وفيه المتقاعدين والحين افرجوا عنهم بان الواحد يقدر يفتح في البنك اللي يعجبه ويجيه راتب التقاعد عليه ,, يعني عقب هالحركة هالبنك بيقشر بصل ويسكر احسن له !!

بنك سيء جدا في خدمة العملاء .. اضرب لكم مثال انا .. خلصت مدة بطاقتي الصراف من شهرين واكلمهم قالوا انه بتجيك على البريد ,, ومن شهرين وانا رايح جاي على هالبريد ولا فيه شي اتصلت عليهم قالوا انها في البنك رح استلمها من عنده لانها تقعد شهر في البريد بعدين ترجع للبنك تستلمها من هناك ! قلت مب مشكلة واروح للبنك بعد نص ساعه انتظار قالوا البطاقة ضايعه لاهيب في البريد ولاهيب عندنا ,, ياشيخ ! طيب وش اسوي الحين قال لازم تروح تعبي فورم طلب اعادة اصدار واعادة الاصدار هذا على ما سمعت انهم رفعوا رسومه ووصلت 200 ريال للبطاقة !!!!!!!!! والله لو اني متطاق معكم ما خليتوني ادفع هالمبلغ ,, وفي البنوك الثانيه ما توصل 50 ريال وبعضهم يعطيك اياها وانت واقف عنده ,, هذي سالفة صارت لي ,,

واحد من الشباب راح بيصدر شيك مصدق بحوالي 200 ريال راح لهم وجا بيصدر الشيك قالوا له ادفع 100 ريال رسوم اصدار !!!!! وقبل فترة كانت رسوم الاصدار 10 ريال ومع التطلّب وحب الخشوم يشيلها لك .. ومع السرق ذا كله ليت فروعهم “تواجه” ابد تشوف صفة بقالات وتلقى بينهم البنك العربي ماخذ له فتحتين وكاتب بدل بقالة ابو فلان تلقاهم كاتبين البنك العربي الوطني ..

الظاهر مالنا الا نحول المكافئة على بنك ثاني ونفتك من هالبربسة الزايده

يعني لازم الفضايح ..

صورتي على شهادة الابتدائي اقدم صورة لقيتها عندي ومدري متى خذتها ,, اسألوا اخوي النصراوي

ارفقوا !

امممممممم من نتقق !!

سوالف احمد , عبود , وليد , سوالفي , حرباز , حسام المقحم

عيدكم مبارك وكل عام وانتم بخير

تقبل الله منا ومنكم

مامسكت نفسي من الضحك وانا اناظر هالاعلان ,, لهالدرجة شركة الاتصالات افلست ولا عاد عندها افكار تقدر تنافس فيها موبايلي ,, شوي ويقولون يرحم امكم لا تاخذون عملائنا .. بداية السقوط لشركة الاتصالات

رد موبايلي ,

من جهاد

انتهى مشواري في البطولة اليوم بعد هزيمة تاريخية 11-4 وكان بطل هالهزيمة الحارس بوفون ,, ما قصر صراحة ما فيه ولا طريقة ينجاب بها قول الا وجت حتى قول من الركنيه على طول جا فيه ,, وبعد مباراتنا لعب مع خويي وانهزم 7-1 دليل انه داج ,, وكل اللاعبين اللي تأهلوا من مجموعتنا بكرة يلعبون على دور الاربعه , انا الوحيد اللي طلعت

خيرها في غيرها ان شاء الله

تأهلنا ,, فزت اليوم في اخر مباراة لي 3-2 صراحة المباراة سواليف كلها حتى اللي لعبت معه ماعنده الا فوزين يعني ماعنده امل يتأهل ..

في النهاية صار فيه لعب في النتايج ,, المفروض اصير المركز الثالث وحطوني الرابع والمركز الثالث المفروض الخامس قعدت اناقشهم ولا اقتنعوا يوم شفت اللي بلعب معه لقيته في مجموعة سهله وصاير الاول عليهم ,, يعني ان شاء الله الفوز مضمون

دعواتكم بـس