فهد .. فهد .. قم وانا امك جب لنا مقاضي .. زين يمه ان شاء الله … يقوم فهد يروح يجيب مقاضي أهله ,, وهو راجع وقف عند بنده ومر المكتبه حقتهم ولقى كتاب جديد خذه وقعد يقلبه وكنه جاز له بس كان طفران ساعتها ..

بعد اسبوع : فهد , فهد .. قم وانا امك جب لنا مقاضي ,, زين يمه .. ويروح يتقضى لاهله ويجي وعلى طريقه مر ميد يبي ياخذ له عصير يبرد عليه في هالحر .. ودخل ولقى نفس الكتاب عاد هالمره توها نازله المكافأة قال فهد أبشتريه كلها 15 ريال ماهيب ضاره …

ويرجع فهد ويقعد يقرا السوالف اللي فيه وكان أغلبها قد مثلت في طاش ,, مزي سالفة عزوز وحسام يوم انهم يروحون مصر ,, ويلقون الشمراني ويشتغلون عن أبو برديس , ويوم يقعد يصايح ناصر القصبي على ابو برديس ” شويّة رحمة ياااا راااقل ” وقعد يقلب في السوالف ولقى سالفة ست البلايز ,, يسولف عن الهدوم وهي تسولف مع بعض واحلامهم ووش يقولون لبعض .

همن قعد يقرا سالفة يوم انه يقوم من النوم ولا عاد لقى احد ابد في الدنيا لا في بيتهم ولا الشوارع ,,, – أنا ما قهرني الا طاش وش لون فضوا شوارع الرياض -
وقعد يقلب ولقى سالفة هاللي توه معرس وراح برا ولقى اغلب السعوديات كاشفات وسوالف جارهم الحقنه … بالعربي يقولكم فهد لا تفوتون الكتاب

أحلى شي صورة البزر والاصابع الساحرة على قولة عبدالله

::- يا ماحلا لايح البرقي ,,, والسيل لي حار بحياضه

قبل لا أكتب أي شي أبقولك ان هالبوست جاي من فراغ وكنت ابي اسوي شوي تغيير في نطم البوستات اللي اكتبها
طبعا لا تتوقعون انكم بتطلعون بفايده وحده ,, يمكن تطلعون بفايده وحده بس ما كنت أقصدها

هذا الناتج النهائي للصاروخ اذا كان لك خاطر انك تكمل

(more…)

اليوم عشاني فاضي وماعندي شي اقوله ,, ذكرت ان الدكتورة “تققتني” يعني سوت لي تاق في مدونتها عشان اسوي مثلها >>> فاشل في التعبير

سبع أمور أخطط لعملها :

• أغسل سيارتي
• ادخل سوق الاسهم
• التوقف عن البرمجة
• أتفرغ تفرغ كامل للدراسة
• بدء مشروع خاص فيني
• اسدد فاتورة جوالي
• أرفع وزني واسوي تمارين رياضيه >> الاخ رياضي

سبع أمور أستطيع عملها :

• أقعد يومين على وجبة وحده أو وجبتين بالكثير
• أنوم 14 ساعة متواصلة
• اقعد على الكمبيوتر طول اليوم ماعندي مشكلة
• ما أرد شي في خاطري
• أمزح واجد
• تكوين صداقات “انترنتيه” بشكل سريع
• اقعد يومين ما اتصل على احد :S

سبع أمور لا أستطيع عملها :

• أكمل قراءة كتاب للنهاية
• متابعة مسلسل عربي للنهاية :S
• ماعرف ازعل
• ماعرف انوم بدون “كنبل”
• اني اسولف 5 دقايق متواصلة
• اني اكل الين ما اشبع
• ما امسك نفسي اني اتعبث بالاشياء اللي حولي الين ما اعرف لها 100%

سبع أمور أقولها – أكتبها – دائماً :

• يالله حيّه !
• سلخير
• لا ياشيخ
• يا رجال وخر عن وجهي >>> للنصابين بس
• موت بغيضك
• يبو !!
• مالت بس

سبعة أشخاص أمرر هذا التعقيب لهم :
لا يوجد

خلصت الاجازة وبدت الدراسة اللي مع أول يوم من أيامها وحنا من اختبار في اختبار وكل واحد يقول انا أزفت من الثاني ,, بعد اجازة تقريبا 20 يوم يعني خلاص نسينا كل شي ولا عاد في امكانية نرجع الا بعد نا ندخل في مود الدراسة ,, يعني اليوم كان عندي اختبار محاسبة تكاليف كلمة “جبت العيد” شويه علي ,, يعني خلاص نسيت المسميات ونسيت اسماء الحسابات وكل شي مع ان الاختبار كان سهل لكن كل القاعة نفس حالتي ,, سؤالين وكل سؤال خذنا فيه ساعة كاملة .

والنكبة اللي بتجي الطلاب في اجازة عيد الأضحى ,, يعني تدرس اخر اسبوع بعدين تبدا الاجازة بعدين اذا رجعنا تبدأ الاختبارات النهائية :S
يعني الطلاب ما راح يستانسون في الاجازة وحتى ان رجعوا ما راح يجبون نتايج حلوه في الاختبارات

الصراحة هالوضع يخليني افكر اترك الدراسة والا اعيد الترم مره ثانيه , لا درجات حلوه والغياب كثير خطر انطرد من المعهد

دعواتكم بالتوفيق

يامدينة الملك عبدالعزيز وبعدين معكم ؟؟؟؟
يعني الواحد مل ماعاد يدري وش يقول كل مره نقول كود الوضع تحسن يمكن انه صار احسن لكن كل ماله ويصير أسوأ ,,, ألحين فلكر حجبوه للمرة الثالثه ليه طيب ؟؟
ياخي سو حجب للتاقز اللي مالها داعي واللي “تحس” انها غير اخلاقيه ,, لكن انا وش ذنبي صوري على الفلكر تحجبها وتمنعني من خدمة “متميزه” ,,, لاتمنع الشي وتقول اقعدوا يا عطنا بديل والا لا تقول لا عاد تدخلون هالموقع ,,, يالله همتكم نبي نشيل الحجب :@

برايفت :
أتدري مالعولمة ؟
أن يمثل فريق افريقي قارة آسيا ..

والله راح رمضاان بسررررررعه ,,, الله يتقبل صيامنا وقيامنا ,, امين

كل عام وانتم بخير ومن العايدين الفايزين ان شاء الله