حالة ركود عامة في المدونه ما ادري وش سببها عاد أكمل لكم سالفتنا وأقول لبعض الناس اللي في النت خله في النت
المهم بعد ما رجعنا للشقة في نفس اليوم ما كان فيه احد مثل ما قلت لا في الكورنيش ولا في اي مكان رجعنا قعدنا ندور على شقة ثانيه وبالصدفه لقينا الفندق اللي كنت ادوره الصبح لكن من الذهانه اللي فيني ما لقيته مع اني مار من عنده الصبح
ونوقف عنده وسألنها قال ما عندنا الا سويت تبونه والا لا قلنا طيب وطلع بسعر أقل من اللي خذناه عند شقق العييري ,, المهم ونروح لشقتنا الاولى وناخذ عفشنا ونجي هنا واقعد اطامر منن الفرحة اخيرا الواحد يرتاح وهو نايم :S ويعرف يتشرط ويدخل النت على كيفه >>> اكبر همه..

المهم من بكرة خذنا اعمارنا وقعدنا ندوج في اسواق جده طبعا مافينا اللي يعرف جده زين فرحنا للجمجوم ولقينا هيصة وحوسة وغنا ورقص وصجة ولا جاز لنا وطلعنا لين الوقت قد طار ورحنا للبحر عشان نتعشى وتعشينا وقعدنا ندور اليين الفجر ورجعنا للشقة..
من بكرة قلنا بنروح مبكرين ونروح نسأل عن سوق الميغا مول في التخصصي تخبرون ال MBC3 هناك مسويه عروض ومن زود البرائة اللي فينا رحنا بنشارك معهم
بس الحق ينقال سوووق روعة أحسن سوق دخلته هو يعني الواحد يدخل تنفتح نفسه انه يشتري مب مثل اسواق الرياض اللي اعرفها :S
المهم برضوه طلعنا منه رحنا نتعشى ورجعنا الشقة الصراحة نص الميزانيه راحت في أكل أي واحد ودحه يسمن يجي معنا بس
من بكرة رحنا لأبحر وقعدنا نتمشى شوي بغينا نسبح ونطافش بس ما كتب الله لقينا زحمة وناس مافيه موطى رجل عشان نقعد فيه خذنا لنا لفتين بغينا ندخل البحر لكن قال الساعه ب 500 ريال وحنا يالله معنا حق الرجعة للرياض قلنا ما يلزمناش
وعودنا والله نسيت وين رحنا ذاك اليوم اللي اعرفه اننا رحنا نتعشى في بيتزا هت ورجعنا للشقة ,, أكثر واحد تأذى من طلعتنا هذي البلايستشين ما يطفى ابد وتحديات كننا طالعين نلعبي بلايستيشن :S

ومن بكرة شلنا عفشنا وجينا للرياض بس من جد فرق بين الرياض وجده الشي الوحيد اللي استغربته ان اللي معنا جاب الخط في 5 ساعات مدري كم يمشي والله لكنه مهبول يحمد ربه اني نايم ساعتها

هذي صور من جده صورة للنافورة وصورة للشقة

الله يغفر لك ويرحمك ويدخلك فسيح جنتاه