نجد في بعض الاحيان أناساً تنادي بعدم التعقيد واناس تنادي بالبساطة وانا لست في ضد من ينادي بذلك فـ بالعكس انا ممن بنادي بذلك ولكن ليس الى ان تصل البساطة الى حد السخافة في بعض الاحيان
خذ عندك منتدى bbpress الاخ الشقيق ل wordpress الصراحة البرنامج سخيف في التعامل والبساطة الي ضن البعض وانا منهم انها ميزه له لكن بعد التجربة اتضح لي الاتي:

• لايوجد لوحة تحكم
• الاعدادات في ملف config
• في البداية لا يوجد ملف تنصيب بل تقوم بكل شي يدويا
• التصميم ,,,, أقدر اقول انه بدون تصميم او تنسيق مجرد سرد لمحتويات السكربت
• لا يقبل التسجيل بالاسماء العربية

وغيرها اللي ما بعد اكتشفته ,, على الاقل يكون هناك فيه تنسيق لا اقول تصميم أقول تنسيق للسكربت
بعضهم يقول المنتدى مازال تجريبي طيب تجريبي ما ينزلونه وهو في هالحال اللي يرثى لها ,, كنت راح استخدمه في موقع جديد لكن انصدمت يوم ركبته
مافيه اي ميزة تشجع الواحد انه يركبه ويعتمده في السكربت

الاسبوع هذا راح يكون أسوا اسبوع يمر علي في حياتي الدراسية ..
امس الديك (الجوال) ما رن وانا حاط المنبه وراحت علي محاظرة غياب
واليوم زحمة لدرجة الواحد ما يقدر يمش متر الا بعد ما تطلع روحة ..

هواة البلوتوث هذا وقتهم يستغل اي وقفة لسيارة عند اشارة او اي مكان عشان يشوف اللي حولة وبدأ المراسلات بينهم ..
أتكلم انا الحين من مكتبة المعهد ساعتين فراغ قلت ادخل اشوف الوضع اللي صاير بعد اللخبطة اللي صارت بعد الترقيه التنسيقات كلها راحت لازمني أعيد كل شي من جديد ونصيحة لأي واحد يبي يرقي موقع انه ياخذ نسخة احتياطيه من ملف index.php و comment.php عشان ما يروح جهده في التغيير والتصميم على الفاضي

مثل ما صار لي

قمت قبل يومين بجولة في سوف الكمبيوتر الصراحة السوق السعودي مدري شلون قايل مرة اسعار نار ومرة اسعار ما تتوقعها
مثلا قبل اسبوعين رحت ادور مذربورد قيقا بايت لقيت سعرها 250 ريال وقبل يومين دخلت صدفة واسال عنها لقيتها ب 170 ريال الله العالم وش بيصير بعد كذا ,, دورت Case للجهاز لكن ما لقيت شي مناسب الظاهر اني أبفصل لي واحد مخصوص كل المواد متوفرة بس باقي اعرف وش لون أستخدمها لا اسوي شي اندم عليه طول حياتي بسبب ذوقي الصعب

الحين اذا قالك واحد هالمنتج والا البرنامج هو ثيرد بارتي برودكشن وش قصده ؟؟؟؟؟؟
سويت بحث في قوقل وسويت بحث في كل محركات البحث مالقيت جواب شافي

لقيت ناس تقول انها البرامج المقرصنة والي تشتغل عندك الى ماله نهاية بدون مدة محدده..

والصحيح على اقوال اهل العلم انها البرامج المعاد انتاجها من جديد يعني مرت في مراحل اعادة تصنيع او اعادة تجميع..
القول الثالث من اقوال اهل العلم انها اللي اعيد تصنيعها من قبل طرف ثالث ماله شغل بالمنتج الاصلي الا انه اعاد تجميعه

ومن نتائج البحث انه طلع لي حزب اسمه ثيرد بارتي امريكي وطلع لي ديفنشن لكلمة 3rdparty sponsor اللي هو الراعي او فيما معناه كذا

عاد ابي الجواب الشافي من اهل العلم العرب اي من الاقوال السابق ذكرها صحيح وهل فيه اي احتمالات اخرى تتحملها هذه الكلمة !!!

هذا ما ننتظره من خلال تعلقياتكم

وددت أن أشكر الاستاذ نادر على تصميم اللوقو والايقونات

قمت مؤخرا بعمل تصميم بتقنية ال css لموقع الخيمة الشعبية وكان يعمل يكفاءة على متصفح الفاير فوكس ولكن كالعاده أبى الاكسبلورر الا ان يظهر مشاكل التصميم التي هي ليست مشاكل في الاساس الا انها مشاكل في الاكسبلورر ذاته..
صدفةً وانا اتصفح موقع the css weblog وجدت أحد الكتاب قد وضعت رابطا لموقع قد قام بوضع عدد من الرقع للاكسبلورر فقمت لتنزيل هذه الرقع فاتضح انها ملفات جافا سكربت تقوم بوضعها في أعلى الصفحة المراد تصحيحها في الاكسبلورر وتم العمل بكفاءة عالية واصبح الاكسبلورر = الفايرفوكس

تحدثت الكاتبة عن ظاهر تقليد المواقع العربي بعضها لبعض او تقليدها للمواقع الغربية مما يؤدي الى تكاثر المواقع العربية (اللي مالها داعي) ..
فيما تحدثت عنه المدونات العربية وسرعة انتشارها صحيح أن بعض أصحاب تلك المدونات توقفوا عن الكتابة فيها وأن بعض الاشخاص لم يقتنعوا بعد بالمنهج الذي تتبعه تلك المواقع
الا انها تعبر أولا وأخيرا عن رأي صاحبها وله الحق الكامل في أن يكتب مايريد وأن يعبر عن رأيه بحرية مطلقه ولا أعتبر تلك الارادة في حرية التعبير تقليدا للغير فـ بالعكس من أراد أن ينشئ مدونته فـ الباب مفتوح للجميع
وليس هناك شريحة محددة يُوجّه لهم هذا النمط من المواقع فـ لكل رأيه الخاص وكل يملك حرية التعبير عن هذا الرأي …
وكنت قد كتبت عن هذا الموضوع من قبل بأن بعض الاشخاص ينحى منحى التقليد لا منحى حرية الرأي في مقالة “وش تنصحني فيه !! ” .. فـ البعض تجد لديه من الابداع ان كُبت فهو خسارة للمجتمع الذي يهتم بهذا الابداع ..
فـ الاولى بهذا المبدع تدوين هذا الابداع كي لا يذهب مع الزمن أدراج الرياح .. فـ مثل هؤلاء المبعدون لديهم من الكم المعلوماتي “ربما” لم يقم أحد بتقديره الا بعد ان أنشأ كل منهم مدونته فـ منها تكون نافذتهم على مجتمع الانترنت ومنها حفظ لهذا الابداع من الضياع ..

وهذا رابط المقال