لا تعليق !!

تلاحظون اني عكست التنسيق الاساسي للموقع

احس راسي مقلوب الحين

قهر .. !
أكثر شي يقهر في تصميم المواقع انك تسوي كل شي صح لكن ما يطلع لك الشكل اللي انت تبي او فيه مشاكل ولا انت عارف وينها فيه.

قهر انك تتابع فلم وفي نهاية الفلم تقول “وبعدين !!!!!!!!!!”

مدونه قادمه بقوة في الطرح وقوة في الاسلوب مابي اتكلم كثير على قولة راعيها نتكلم عن كل شي لكن بايجاز …

بالتوفيق نادر

نزلت نوكيا برنامج جديد لاصحاب الجوال اللي تشتغل على انظمة السامبيان يقدر يسوي المدونة الخاصة فيه على جواله ويكتب اللي يبي تماما مثل المواقع لكن على جواله وخاصة فيه مع اضافة بعض الصور واطلقت شركة نوكيا على البرنامج اسم lifeblog علما انها النسخة تجريبية تقدر تنزلها وتجربها على جهازك وتقدر تشتري النسخة من نفس الموقع مع العلم انها فقط تدعم اجهزة 6630 اللي توني شاريه و 6670 و 6260و 7610 اللي بالاسامي الدارجة في السعودية الدمعه والمدعه المطور والاباتشي والفارس

لكن مساكين حقين الباندا ما يقدرون يجربونه

وللي راح يجربونه .. كتابه ممتعه

أكثر وقت تطري للواحد فيه طواري هو قبل النوم وهو منسدح على السرير تجي لواحد طواري الله يستر بس الانسان العادي يكون اغلب وقته هذا في استعراض يومه ووش سوا فيه ووش راح يسوي بكره لكن المفكرين امثال شيابنا الله يهديهم يقوم لك الصبح بمشروع يكسر الدنيا ويكتب ويرسم ويخطط ويحسب الخساير والارباح وراس المال وكل هذا على ورق وفي الاخير يطلع ربحان لا وينافس بيل قيتس في ثروته اللي جناها في هالتخطيط وتلقاه يتدين ويتسلف كله في سبيل تحقيق هالطاري اللي طرا له ولو طلبت منه انه يكتب مجلدات في الطواري اللي تجيه يوافق بسرعه فمثلي الحين مدري وش طرا علي اني اكتب الكلام ذا فـ الله يستر من طواري تالي الليل

جتني امس قائمة باخطر 10 فيروسات على حسب موقع مكافي وهي مرتبه ترتيب ابجدي

Adware-180
Adware-Gator
Exploit-ByteVerify
Exploit-MhtRedir
JS/Noclose
W32/Bagle
W32/Mydoom
W32/Netsky
W32/Sasser
W32/Sdbot (family including sdbot, gaobot, polybot, spybot)

وتشمل ادوات التجسس ودودة الايميلات وادوات ال spam