اكتشفت ان التصميم الحالي للموقع يجيب المرض شوي

واحس اني حاجر نفسي في زاويه يالله الواحد يقدر يتنفس منها عشان كذا قررت الاتي :

1. اعادة تصميم الموقع >>>> عسانا نفضى

بس

لاني اكتشفت ان تغيير تصميم الموقع كل فترة يعطي الموقع حيوية ونشاط للكاتب والقارئ >>>> وجهة نظر

قبل فترة دخلت موقع سردال عاد انا كل يوم ادخله مب ذاك اليوم بس
لكن دخلت ذاك اليوم ولقيت انه لقى ترجمه لكلمة BLOG اللي هي المدونات الترجمة في محلها و تغني عن شرح المواقع الي تنتهج نهج البلوق
الغريب في الامر ان اللفظ هذا انتشر في كل المواقع واعتمد رسميا
من هنا أقدر أهني سردال على شعبيته التي بلغت الافاق
بصراحة اشوف سردال انه شخص مؤثر في اللي حوله يعني بين ليلة وضحاها انتشر اللفظ صار اللفظ معتمد في أكثر من مكان وصار متداول

نرجع لموضوع المدونات ..
الحين المدونات من يستخدمها ؟
انا أشك أي واحد عنده مدونة ويكون عنده منتدى يشارك فيه باستمرار
لان اغلب اللي فتحوا المدونات يبي يفك عمره من القيود اللي موجود في اغلب المنتديات ويبي يفتك برضوه من المشاركات اللي تحمل كلمة شكرا او موضوع رائع تشكر عليه والا ما قدر أدخل بدون ما أ شكرك على الموضوع
الكاتب مننا يبي واحد يناقشه في نقطة او يبي واحد يعلق على قضية او يعارض في قضية اخرى

في رأيي أن زمن المنتديات العربية راح ينتهي وماراح يبقى الا الافضل منها التي تحمل كتّاب حقيقيون مب نقل ونسخ بدون ذكر اسامي المنتديات والشخص منا يعرف القوي منها من الضعيف

المدونات بشكل عام تتكلم عن فكر اصحابها وعن اهتماماتهم وعندي احساس ان زمن المنتديات راح ينتهي بسبب المدونات هذي وان المنتديات ما راح يبقى فيها الا الاشخاص الي هدفهم من المنتديات التسلية وليس الفائدة

خاص لعذبي : مبروك الجائزة وعقبالنا السنة الجايه

أول شي أبنفظ الغبار اللي اللي على الموقع والوصاخة اللي جته من الامطار اللي جت على الرياض هالايام والله يزيدها يارب .

ثاني شي وهو المهم
من العشر الاواخر جاني مشروع عمل موقع للمنشد الكبير أبو علي واللي مايعرف ابو علي يدخل منتديات التسجيلات الاسلامية ويعرف منهو ابو علي

المشروع هذا ما خلص الا الاسبوع اللي راح
وتم افتتاحه امس الصبح
عاد نبيكم تشوفونه وتعطونا رايكم عليه وتشرفونا ولا تنسون القائمة البريدية وسجل الزوار

وللعلم الموقع من برمجتي كامل