بعد الكتاب هذا اقدر اقول ان شركة Oreilly أفضل شركة لانتاج الكتب
كتاب اسمه PC Hardware in a Nutshell مهم ومفيد جدا للي يبي يتوسع او يعشق مجال الهاردوير ويحب يطور من مهاراته او ينمي ثقافته
في البدايه يبدا معك على انك مبتدئ ماتدري وشو الكمبوتر يعلمك الكمبوتر وشو ويعلمك وش لون يشتغل و من الحاجات هذي
بعدين يبدا يشرح لك قطعة قطعة في الكمبيوتر من اللوحة الام الى لوحة المفتايح
يبدا معك مع اللوحة الام ويرشح لك وش تتكون منه وكل قطعه وش فايدتها وانواع اللوحات الام ووش البيئة اللي تشتغل عليها وكذلك مقارنة مع كل نوع ووش الافضل لكل المستخدمين
وفي نهاية الكتاب يعلمك وش لون تشتري القطع لجهازك اذا بغيت تشتري جهاز على مزاجك ووش لون تركب كل قطعة في جهازك وكذلك وش لون تختار ال ( Case ) ووش الانسب لك ووش الافضل

لدرجة وصلت انه يقولك وش لون تختار ال Power Supply يعني بالعربي كتاب محترم للي وحدة يتزود في المجال ذا

وقراءة ممتعه

كتاب جديد من اصدار موقع site point جميل جدا في لغة php
يعتبر الكتاب هذا من الكتب المخصصه للمتقدمين في لغة ال php بمعنى انك اذا سويت اكثر من مشروعين في اللغة وتبي تطور نفسك فيها اكثر الكتاب هذا يصلح لك واللي مبتدئ في اللغة أنصحه بعدم تنزيل الكتاب

تحميل

وفيه امس اكتشفت ان شركة Adobe منزله اصدار من برنامج Acrobat لاجهزة الجوال يعني تقدر تفتح ملفات ال PDF من جوالك وتقرا اي كتاب تبيه وانت مسافر او في الطيارة من جوالك بس حط الكتاب اللي تبيه و تمتع بالقراءة

لكن البرنامج ذا فقط لاجهزة الجيل الثالث من الجوالات اللي تعتمد نظام Symbian OS والا ماراح تقدر تشغل البرنامج.

اضغط هنا عشان تحمل البرنامج

واشكر كل من راسلني يستفسر عن التوقف ويطالب بالمزيد واقول ابشروا ان شاء الله بتشوفون اللي يعجبكم

لي فترة طويلة ما كتبت شي في الموقع والسبب هو دخول شهر رمضان الله يبارك لنا فيه وطبعا كل واحد منا لازم لازم يتلخبط جدوله يعني اوقات الدوام والعمل الشخصي واوقات النوم كلها تختلف يعني الواحد يبي له على الاقل 3 ايام عشان يتأقلم مع الوضع اللي هو فيه.

خلصت في الفترة الماضيه من برمجة سكربت بسيط لموقع Business Wide وبعدها ما خذت اي فترة راحة قعدت ابرمج برنامج خاص في موقع اسلامي وهو للمنشد الكبير أبو علي وهو الان قيد التجربه من اصحاب الموقع وان شاء الله الاسبوع الجاي راح يفتتح الموقع وهو باذن الله واعد وقادم بقوة من حيث فريق العمل والاعمال الصوتية المعدة للموقع وهناك تسجيلات خاصة بالموقع وكذلك فلاشات خاصة بالموقع وما نقول لهم الا الله يوفقهم

نزلت نسخة جديد من ال Wordpress اللي يقولون فيها انهم سكروا الثغرات الموجودة فيها وصلحوا الاخطاء اللي كانت موجودة في النسخ اللي قبلها وسويت بعض التحديثات والتعديلات على الموقع يمكن ما تلاحظونها.

بالمناسبة أنا أشوف ان الواحد يعلم زواره عن التعديلات اللي تصير والتعديلات اللي راح تصير بعدين وكل شي بالنسبة للموقع عشان يكون الزوار على اطلاع كامل باللي صاير في الموقع واكبر مثال على الفكرة هذي مدرسة مازن يعني ماشاء الله عليه كل صغيرة وكبيرة بيسويها في الموقع يقولها للزوار حتى انه في كل مكان يعلن حتى الماسنجر يقولهم التحديثات اللي تصير في الموقع

على فكرة من فترة وهو يعلن عن النسخة الثالثة لموقعه لكن الى الان ما شفنا شي