احيانا يمر عليك موقف تحس أنك شفته من قبل او تتوقع حدوث شي بعد ثواني تلقاه صاير ماقد صارت معك ؟؟
أكيد صارت هذي الظاهرة تسمى دي جافو طريقتها انك مثلا تشوف حلم و يتحقق الحلم هذا و تجي بأكثر من طريقة مثلا … تذكر ان هالموقف مر عليك من قبل بس ما تدري متى ووين والطريقة الثانيه ان تتوقع شي يصير و صار بعد ثواني و انا صارت لي كل الثنتين و أكثر من مرة تقريبا كل اسبوع مرة او مرتين.
الاولى كنت راكب في ليموزين و فجأة طرا لي ان الكفر بيبنشر و فعلا ما تعدينا الاشارة الا وهو مبنشر طبعا كنا واقفين عند الاشارة.
الثانيه صارت لي اليوم وطبعا هذي تصير لي دايم هو انه فيه واحد بيجيك و بيقول لك كلام. و فعلا جا واحد من اخوياي قال لي كلام حسيت اني سمعته من قبل ومن نفس الشخص.
وبعض الاحيان تنفع هذي في تجنب الخلاف.
تقولي وش لون…
انا مرة كنت قاعد مع واحد من اخوياي و انا اقول ان هالموقف مر علي و كان الموقف ان فيه خلاف و راح يكون أخر يوم اشوفه بعد كلمه قالها و زعلت عليه من هالكلمة لكن في الواقف تجنبت الزعل على نفس الكلمة قالها.
اذا كانت تمر عليك الحالة ليه ما تكتبها لنا ؟!
March 22nd, 2006 at 5:59 PM
أسعد الله أوقاتك
أخيررررررررررررررا لقيت أحد يعاني اللي أعاني منه وهو تخيل أن الموقف هذا صار من زمان وتبدأ تتوقع الأحداث.
هل هناك المزيد أخوي المحارب ؟!
شكراُ
September 17th, 2007 at 5:07 AM
السلام عليكم…
هذه الحالة تمر مع كثير ناس وانا مجربها
لكن هل من تفسير علمي او منطقي او ديني؟
نحن نعرفها بحاسة سادسة