بعض الناس يعتقد ان المراقبة انك توقف على راس شي مثلا في ورشة سيارات الميكانيكي قاعد يزين موترك هنا انت قله المشكلة وومن متى ووش لون صارت ومتى واذا بدا يشتغل لا تتوقف على راسه و تشوف وش يسوي الا اذا كنت تبي تتعلم اما انك تراقبه هذا ما يسمى مراقبة انت الحين تربكه انت خله يشتغل ووخر عنه رح بيتكم والا رح للبقالة خذ لك شي تشربه اذا كانت المشكلة صغيرة وبتخلص بسرعة و تلاحظ ان المدرسين يسوونها كثير في الاختبارات تلقاه يوقف على كل طالب ويشوف وش يسوي ووش يكتب ولو انت طالب وسوى معك المدرس هالحركة تلاحظ انك ترتبك و الفكرة اللي في راسك طارت هذا كله مفهوم خاطئ للمراقبة …
راقب بفن او لا تراقب

هههههههههههههههه

احيانا يمر عليك موقف تحس أنك شفته من قبل او تتوقع حدوث شي بعد ثواني تلقاه صاير ماقد صارت معك ؟؟

أكيد صارت هذي الظاهرة تسمى دي جافو طريقتها انك مثلا تشوف حلم و يتحقق الحلم هذا و تجي بأكثر من طريقة مثلا … تذكر ان هالموقف مر عليك من قبل بس ما تدري متى ووين والطريقة الثانيه ان تتوقع شي يصير و صار بعد ثواني و انا صارت لي كل الثنتين و أكثر من مرة تقريبا كل اسبوع مرة او مرتين.

الاولى كنت راكب في ليموزين و فجأة طرا لي ان الكفر بيبنشر و فعلا ما تعدينا الاشارة الا وهو مبنشر طبعا كنا واقفين عند الاشارة.

الثانيه صارت لي اليوم وطبعا هذي تصير لي دايم هو انه فيه واحد بيجيك و بيقول لك كلام. و فعلا جا واحد من اخوياي قال لي كلام حسيت اني سمعته من قبل ومن نفس الشخص.

وبعض الاحيان تنفع هذي في تجنب الخلاف.
تقولي وش لون…
انا مرة كنت قاعد مع واحد من اخوياي و انا اقول ان هالموقف مر علي و كان الموقف ان فيه خلاف و راح يكون أخر يوم اشوفه بعد كلمه قالها و زعلت عليه من هالكلمة لكن في الواقف تجنبت الزعل على نفس الكلمة قالها.

اذا كانت تمر عليك الحالة ليه ما تكتبها لنا ؟!

تقام الان [url=http://www.nccc.edu.sa/]المسابقة الوطنية[/url] لمهارات الحاسب التي تنظمها كلية الاتصالات و المعلومات
و تندرج تحت هذي المسابقة العديد من الفروع

[list]
[*]البرمجيات و منها برمجة المواقع بجميع اللغات
[*]الشبكات و برمجة نظم التشغيل
[*]برمجة الجوالات و الاجهزة الكفية
[*]التحكم بالحاسب
[*]التعليم بالحاسب
[*]الوسائط المتعددة
[*]رسومات ثابته
[*]رسومات متحركة
[*]تصميم مواقع
[/list]
الصراحة بادرة طيب من الكلية عشان تكتشف المواهب كل في مجاله
وعلى ما اعتقد انها السنة الثانيه لها .
وراح اشارك ان شاء الله فيها ان الله يسر في البرمجة >>> من زين برمجتك الحين …. لكن نسوي اللي علينا والله يعين وان شاء الله نفوز علما ان الاخ مازن مشارك فيها أرسل لهم موقعه وان شاء الله يفوز وانا بعد

———-
كملت المقالة كانت ناقصه ولا أحد نبهني

يمكن غيري يلقاها غير … الاحظ ان النت صار ممل لدرجة الواحد يدخل يشوف ايميله و يطلع على طول.
مافيه موقع الا وفيه منتدى وشات.
وانا ما أقصد المواقع ككل لكن أقصد المواقع العربية.
لأني فقير في المواقع الاجنبية او ما عندي الدراية الكاملة فيها .
وطبعا اللغة تلعب دور كبير في المجال هذا.
لو كانت اللغة عندي ممتازة , قابلني أدخل اي موقع عربي الا بعض المواقع مثل موقعي —> من زين موقعك الحين.

[b]ااااااه يالزكمة [/b]

الواحد اذا صار مريض يعاف نفسه.. أمس ما رحت للمعهد و للاسف العيال اختبروا اختبار الاستماع طبعا الاختبار كان مفاجئ والا كان رحت حتى لو كنت مريض —> أصلا انت تبغاها من الله
وما ننتظر منك الدعاء لي بالشفاء العاجل

والله مقلع الهليل ذا