شفت الكاريكاتير الصبح وقلت هذا في السعوية شلون هنا !! هنا كل اعتمادهم على موية المطر اذا وقف المطر عنهم ماتوا من العطش. الترشيد وصل بهم موصل انه اول ما توصل يقولون لك ترا لين جيت بتاخذ شاور ما تتعدى 4 دقايق تحت المويه غير انك ممنوع انك تغسل سيارتك عن باب بيتكم لذلك تشوف السيارات لين جت بتمطر كلها برا ولين وقف المطر تشوفهم يمسحون السيارة واحلى تغسيلة بدل هندي المحطة وبعض الاحيان مثل الفترة هذي كانت الامطار فوق المتوقع لدرجة انه كان فيه فيضانات فأعلنوا في التلفزيون ان هالاسبوع سوو اللي تبون بتغسل موترك تروش على مزاج كبكب مياه على كيف كيفك بس هالويك اند غير كذا نرجع زي اول. وفعلا لما كنت ساكن مع العائلة كانوا مبسوطين يقولون السيارة من سنة محد غسلها.
غير اللي على الشاطئ فيه بزابيز مويه للي يبي يغسل جسمه عقب البحر والا يبي يغسل رجليه عقب الرمل , يوم شافوا هالعالم تستهبل بالمويه قفلوها كلها وقالوا ماعندنا مويه كافيه لك انت وياه يومك تكبكب 
يسولفون علينا في المعهد انه هالسنة كانت أكثر سنة تجي امطار فيها من 10 سنين وانه جتهم فترة من الفترات خزان المويه حق المدينة مخلص مافيه ولا قطرة تخيل الوضع عايش في بيتكم ماعندك مويه ومدري شلون مشّوا وضعهم ذيك الفترة لين ما جاهم مطر .
لذلك ياشباب اقتصدوا مابي اجي والقى المويه خالصه
Filled under General
View reactions
كلام 100%
والله زمان يا فهد .. مبروووك الثيم ..جداً رائع شكلي باخذه منك
الله يستر .. انا اتوقع ان الحروب في القرن الجاي بتكون على الموية بدل النفط
واحنا معك يجب على الجميع انه يهتم ويقتصد ..
وبالتوفيق للعالمي في النهائي
لا تكبر الموضوع يا فهد توفير المياه عندنا يسير حسب خطط علمية مدروسة
سوالفي :
محمد الشهري : كم مدون نصراوي عندنا , ما يغلى
والله يستر
عبود : ياخي هذي الكورة مب المويه