بأمر مني وعلى حساب المدونة اي واحد يجيه ربو من الغبار اللي طلع لكم راح يتم علاجه 
,, اللي ماله في الكورة لا يكمل قرايه أحسن له يوجع راسه على جلد منفوخ 
أنجوس يوم فاز على غانا 5-0 طيره الاعلام فوق لكن بعد خسارة المنتخب من ليبيا وش صار له ؟؟ اللي شاف تحليل فيصل ابو ثنين في القناة الرياضية يشك ان فيصل ابو ثنين جايب لنا كاس العالم على تحليله والا الدعوة تنظير وبس ؟؟ المشكلة يا بشر مب في المدرب المشكلة في لاعبيكم اللي انتم حاطينهم نجوم خوارق .. يعني ابي افهم سلمان المطيويع وهو “يتطنز” على انجوس على تجربته للاعبين ما ضنيت انه بيكون هذا كلامه لو فزنا .. وبيرجع نفس الكلام اللي قالوه على باكيتا بينقال على انجوس وانه ما يصلح ومن هالكلام ,, نفس الكلام بينقال لو تأهل المنتخب الاولمبي للاولمبياد بتجي اقلام تقول شيلوا ناصر الجوهر لان مهمته انتهت وهذي مرحلة المدرب الاجنبي ولين جا الاجنبي وانهزمنا مباراتين تعال يالجعيثن كمل لين نهاية البطولة و “هيّن” !!
ليه هالاقلام ما طلعت يوم فاز المنتخب بخمسة على منتخب غانا وشفنا كيف المنتخب بدع قدامهم وهي المباراة اللي تحسفت اني ما حضرتها مع اني كنت مخطط احضرها والا الدعوة روتين تغيير المدرب ما يكمل معنا سنة الا ومغيرينه وكأن العيب فيهم !!
مدرب النصر فوكي بوي قدم استقالته وقال مانيب مكمل معكم مع اني اشك انه هذا اللي صاير وفي النهاية يوسف خميس على الذمة !!
Filled under General
View reactions
ولكم باك..
.
.
.
المحارب … تصدق ما جبت شي جديد
هذي الكرة السعودية … تذكر ناصر الجوهر يوم إذا ما خانتني الذاكرة جبنا معه كاس آسيا
ويوم انحسنا بكأس العالم … ما خلوه من النقد الغير مألوف
لكن نعيش ونشوف
عادت حليمة لعادتها القديمة
لن يكون للكرة السعودية اي تواجد قوي جدا يطمح له المواطن السعودي طالما ام لاعبينا ما يبرزون الا وهم شيبان كرويا
اذا اللاعب ما يبرز الا وعمره 25 والا 24 وش الفايدة اضمن لي 5 لاعبين على الاقل برزوا وصنفوا انهم سوبر ستار وانضموا للمنتخب وهم اقل من 20 سنة اضمن لك منتخب صاحي ويخوف.
السلام عليكم
اسمح لي اشارك مع انها مشاركتي الاولى ولكن اتشرف بإبداء الرأي
بصراحه المسأله مو على صعيد المنتخب وبس المشكله برأيي من الاتحاد السعودي وتصرفاته الارتجاليه وكثر المجاملات في المنتخب والتخبط اللي قااعد يصير
انا من الناس اللي معارضين ان المنتخب يدخل هذي الدوره العقيمه بلفريق الاول ولكن مازالت ثقتي بلاعبين كبيره نظير ماقدموه في كأس اسياء يوم اسكتوا الجميع وهذه الدوره بصراحه مو مقيااس لمستوى المنتخب بس ارجع واقول فيه تخبطات قااعده تصير
وصدقت نانسي بنت عجرم يوم قالت شخبط شخبيط لخبط لخبيط
تقبل مروري
هذا حالنا للأسف انجوس ابدع في اسيا الاخيرة
ولكن العربية لم يبدع وكان يصرح انها تجربة للتصفيات العالم
.
واتهم بزيادة اوزان اللاعبين بصراحة المنتخب يأخذ اللاعبين ويرجعهم مصابين كم فقد فريق الهلال من كم اصابات هائلة
.
انجوس ليس في مكانه الصحيح لو يحولوه لاولمبي يكون افضل لنا !
والله مالنا بالكورة بس انت عزيز وغالي وتستاهل الرد
هاي انا عضوة من سورية وانا بحب هاري بوتر موت موت موت موت موت بس انا كمان بغير من هرموني غرينجر هي وبتمثل مع دانيال ريديل كيلف كتير بغار وما بحب حدا يشاركني بحبيبي حتى انا مي ايميلو والمعلومات الشخصية عنو :::::::::::::::::::::::::::::::::::::::::::::::::::::::::::::::::::::::::::::::::::::::::: ايميلو:hamada_gwad@hotmail.com::::::::::::::::::::::::::::::::::::::::::::::: العمر 20 سنة:::الدولة مصر:::الهوايات كرة القدم والسلة:::