حقيقة ما بعد شفت بنك مثل هالبنك واشره على المنشئات اللي تتعامل معه يعني حنا يالمعهد مغلوب على امرنا اننا لازم نفتح حساب فيه عشان توصل لنا المكافئات عليه وفيه المتقاعدين والحين افرجوا عنهم بان الواحد يقدر يفتح في البنك اللي يعجبه ويجيه راتب التقاعد عليه ,, يعني عقب هالحركة هالبنك بيقشر بصل ويسكر احسن له !!
بنك سيء جدا في خدمة العملاء .. اضرب لكم مثال انا .. خلصت مدة بطاقتي الصراف من شهرين واكلمهم قالوا انه بتجيك على البريد ,, ومن شهرين وانا رايح جاي على هالبريد ولا فيه شي اتصلت عليهم قالوا انها في البنك رح استلمها من عنده لانها تقعد شهر في البريد بعدين ترجع للبنك تستلمها من هناك ! قلت مب مشكلة واروح للبنك بعد نص ساعه انتظار قالوا البطاقة ضايعه لاهيب في البريد ولاهيب عندنا ,, ياشيخ ! طيب وش اسوي الحين قال لازم تروح تعبي فورم طلب اعادة اصدار واعادة الاصدار هذا على ما سمعت انهم رفعوا رسومه ووصلت 200 ريال للبطاقة !!!!!!!!! والله لو اني متطاق معكم ما خليتوني ادفع هالمبلغ ,, وفي البنوك الثانيه ما توصل 50 ريال وبعضهم يعطيك اياها وانت واقف عنده ,, هذي سالفة صارت لي ,,
واحد من الشباب راح بيصدر شيك مصدق بحوالي 200 ريال راح لهم وجا بيصدر الشيك قالوا له ادفع 100 ريال رسوم اصدار !!!!! وقبل فترة كانت رسوم الاصدار 10 ريال ومع التطلّب وحب الخشوم يشيلها لك .. ومع السرق ذا كله ليت فروعهم “تواجه” ابد تشوف صفة بقالات وتلقى بينهم البنك العربي ماخذ له فتحتين وكاتب بدل بقالة ابو فلان تلقاهم كاتبين البنك العربي الوطني ..
الظاهر مالنا الا نحول المكافئة على بنك ثاني ونفتك من هالبربسة الزايده
Filled under General
View reactions
معقول؟! 200 ريال للبطاقة؟
طيب ليه ما تفتح في بنك ثاني وتصير تحول المكافئة أول بأول؟
سامبا
أفضل السيئيين
كل بنوكنا كذا..
اذا انت من الغلابى فالله يعينك
شيك مصدق بـ 100
وش بقى من 200
عجيب أمر البنوك
واللي زاد الطين بله
الأمر .. بتحديد موعد دوامهم
من 8-4.30 عصرا
هذا ما يجعل الأمور تزداد سوءاً
الشعب نصه معلمين ..
وموظفين قطاع خاص
وطلاب
بالعربي الصبح .. فااضي
وبعد الظهر طق اعصي
ويعينك على الزقاع وقلة السنع
وربي اصلح شأنهم ان شاء الله
اعانك الله عزيزي
رائد : هذا اللي بيصير ,,
أحمد : الفرنسي يقولون زين ,,
بن ماجد :
ورق أبيض : عقب هالقرار اعتقد صارت البنوك عشان صالات التداول مع ان تقدر تخلي فروع البنك الثانيه مسكره وتفتح صالات التداول