ياليت كل يوم ينهزم النصر ,, كان هالهزايم هي اللي بتحرك الادارة وتخليها تشتغل في الفريق ,,
شفنا بعد مباراة الفيصلي نسقوا نص الفريق وجابوا خميس مدرب ,, خميس رجال ما قصر لكن الادارة غلطت غلطة كبيرة يوم خلته الى هالفترة !! والدليل انها قاعد تخربط من راسها انها حطت هايبكر مدرب مؤقت بداله !! طيب ليه ما جبت مدرب من زمان , ليه تحوس الفريق الاول وتحوس الفئات السنية ,, والضحية الفريق الاول ,, اللاعب امس مع مدرب واليوم مع مدرب ثاني والاسبوع الجاي بيجيبون مدرب ثالث ,, واللاعب ضايع وكل واحد وله اسلوبه هذا اولا. ثانيا انت جايب هايبكر للفئات السنية وعلى ما اذكر انه كان فيه تصريح من الادارة انه بيبقى في الفئات السنية ولا راح يدرب الفريق الاول ابد, ليه تخليه يدرب وانت اصلا بتجيب مدرب ثاني سواء الحين او بعدين ,, وشي ثاني بعد المباراة الجايه مباراة اي كلام ,, يعني مع الفيصلي سواء انهزمت والا لا ماعندك مشكلة توك منرقع بالثلاثات من الاهلي والاتي ,, خل يوسف في مكانه وجب المدرب وخل يوسف يتوكل على الله بعد مباراة الفيصلي لان فيه فترة كافيه يتعرف المدرب على الفريق قبل بدء الدوري بعد العيد ,, والا الدعوة كلها شغلة تخدير ,, بعد مباراة الاهلي جميع منتديات النصر طافيه والرسمي يتحجج انه مقفل عشان يرجع بستايل جديد !!! خوش رسمي !
حقيقة مشكلة يوسف ان نظامه نظام الاولين ,, الخطه 442 وشدوا حيلكم نبي الفوز ,, ما يهمه هاللاعب وين يلعب والا هاللاعب وش امكانياته ,, اهم ما عنده انه يملى هالخانه ,, واكبر مثال ان منصور الثقفي لاعب وسط ايمن مع الاهلي ,, ما ينلام لو ما سوى شي اللاعب ضايع يلعب في خانه ماهيب خانته .
حسام الصالح صراحة ان كانه قعد يشتغل مع الادارة ولا قعد يشتغل على كيفه وانا بروح مع فلان وابجي مع فلان فحياه الله اما غير كذا معليش مناب ناقصين شغل تخريب في النادي ,,
نرجع لسالفة عـبدالله الفرج ,, احساسي يقول ان هالادمي يعيش احلام يقضه أو انه يقول اشياء يتمنى انها تصير! في مقال سابق ان الحارثي يقول حطوني على قائمة الانتقال !!!
ياخي افرض انه قال هالكلام وش مصلحتك انت تنقل هالخبر , خلصت الاخبار ؟؟ ياخي صحافة الهلال على كثرها الا انها ما تنشر غسيل ناديها وصحافة النصر واحد ومحسوب عليها بعد ,, ونافض النصر نفض وهذا غير الاخبار اللي كاتبها من راسه ,,
في النصر مشكلة وحده لو يفتكون منها , أفلح ..
مشكلة ان اللاعب السابق في النادي لازم يمسك منصب الحين ,, اكبر مثال , يوسف خميس , فؤاد انور , ابراهيم العيسى, محيسن الجمعان ,, يعني صراحة شوفوا الاندية الثانية محد يسوي كذا الا ذولي ولاهوب ميزة فيهم, لا , أقرب مالها انه مجرد تقدير لهم بـس . ماجد عـبدالله طالب فيه الجميع انه يكون مدرب للفريق , لكن لو صار اكيد كل نصراوي بيكرهه لان مب كل من صار نجح وهو لاعب بينجح وهو يشتغل في النادي سواء كان اداري او مدرب.
سؤال , ليه لاعبين النصر يبدعون مع المنتخب او مع انديه ثانيه ومع النصر لا !!
الحقباني بدع مع الشباب ومع المنتخب , الحارثي بدع مع الاتحاد والمنتخب ,, ليه اذا رجع للنادي يروح هالابداع !
لان اصلا مافي النصر المدرب اللي يلعب اللاعبين في اماكنهم الصحيحة لكن اذا كان نقص في الخانه ولا فيه الا هالشخص يسدها الشكوى لله والمشكلة تروح للادارة انها ما تحركت في هالجانب ,, مشكلة صانع اللعب مشكلة متأصلة في الفريق ,, مبارياته اللي راحت كلها مافيه اي كورة من الوسط جت صح ,, كلها اجتهادات شخصية , مافيه لمسات فنية مافيه لعب يحسسك انك قاعد تتفرج على كورة وعلى دوري كان في يوم من الايام اقوى دوري عربي.
Filled under General
View reactions
ليه محد رد
ليه؟