بدا اليوم والثالث واليوم اشوا خلصنا عجلين ,, اكتشفت اليوم انك تلعب بالفريق الي تبي قلت وش هالحتسي ذا ,, المهم كان اللي قدامي مختار البرسا لكن يوم درا بهالقانون خذ الارسنال ,, وانا نقطه ضعفي هالفريق ,, حتى ولد اخوي النصراوي ان خذه يفوز علي 
,, وادخل والعب واجيب الهدف الاول ويجيب التعادل واجيب الثاني ويجيب الثاني ,, واجيب الثالث والرابع ويجيب التعادل ويجيب الهدف الخامس وينتهي الشوط الاول كذا ,, انا حسيت في البداية فيه لخبطة في التشكيلة ما حسيت فيه ,, واناظر التشكيلة في بين الشوطين وفعلا كان فيه لاعبين مدري وش جابهم هم اللي خلو الوسط حوسة وكذلك الاظهرة ,, طلعتهم وضبطت التشكيل من جديد والعّب موتو ودلبييرو ولاعب في الظهير نسيت اسمه ,, والعب واحجره في النص .. ماعاد قدر ينفس ودلبييرو خليته وسط متقدم هو وفييرا ,, وخذ لك يا انفرادات من المهاجمين ,, واجيب فيه 4 اهداف وكانت بتصير النتيجة 9-5 لكن راحمه ربي .. وانتهت المباراة بفوز لي ,, عقبها جا المنسق حق حكام البطولة ,, قال مانيب سائلك كم فزت بسئلك كم جاب ابراهيموفيتش من هدف ,, قلت تعال احسبها ,,
طلعت لقيتهم معلقين الجدول والنتايج ,, لقيت اعلى النتايج تكون في مبارياتي !! اللي فاز علي اول يوم لقيته فايز على اللي لعبت معه اليوم 5-4 ,, دعواتكم بالتوفيق 
Filled under General
View reactions
ياسلام عليك
بس عاد الا القنرز .. لا تحشهم
وش صار عليك .. تأهلت ولا النظام دوري ؟
شد حيلك!!
)
بالتوفيق XD
(تقدر تصور الدول والنتايج؟
احمد : نظام مجموعات ,, 4 مجموعات للكبار و 4 للصغار ,, وكل مجموعة فيها حوالي 9 لاعبين ..
محمد الظفيري : المشكلة ما نزلوا الا الجدول ونظام رموز ,, يعني انا رمزي ” 6ج ” وكل اللاعبين كذا يعني تنفقع عيونك لين تلقى اسمك
.. عساهم اليوم اليوم ينزلون جدول الترتيب ,, ابي اعرف من انا العب معه 