بما ان ماعندي شي هالايام اكتب عنه ,, اغلب المواضيع سياسية والرياضة ماحولك أحد نصر وهزايم والجزيرة الرياضية وخلص اشتراكها ولابعد جت الكروت الجديدة ,, الله يعين !!
قبل رمضان جاني خبر من واحد من اخوياي ان فيه بطولة للعبة Winning eleven تنظمها الرئاسة العامة لرعاية الشباب ,, وتحت رعاية شركة رئال ..
قلت يالله ماعندنا شي في رمضان ووقتها حلو وقت واحد ما يدري وش يسوي فيه ,, من بعد التراويح الى الساعه 12 الليل ,, انا عن نفسي هالوقت غير مستغل في أي شي مفيد 
المهم نسيت السالفة و لا ذكرتها الا منه امس واروح لهم لقيتهم مسكرين واروح لهم اليوم واسجل معهم ,, ما دريت الا ان مباراتي اليوم واخذ اليوفي والعب به واللي يلعب معي بأرسنال ,, اليوم ما ادري وش السالفة وصجة ناس ومدري ايش وصكّني بنتيجة مدري كيف أحمد ربي ان النظام نظام مجموعات 
,, انتهت المباراة 10 -4 لأرسنال ,, لكن بشهادة الجميع كان المستوى لي لكن اللي اثرعلي طرد الحارس بوفون ,, ولعبت بثلاث مدافعين وبدون محاور وثلاث مهاجمين ,, واغلب الاهداف اللي جت فيني كانت عن طريق اخطاء دفاعية بحته أو سوء تصرف من الحارس ,, والاغلب الاغلب كانت من يد التحكم يعني امرر يمين تروح يسار أمرر يسار تروح يمين ,,
يالله ان شاء الله نعوضها بكرة بعد ما ينزل جدول المباريات ,, دعواتك بالتوفيق
Filled under General
View reactions
بالتوفيق ، وترى يمدحون تشلسي وبرشلونة بالجزء العاشر
برشلونه اسميه فريق البزران صراحة
.. وتشلسي صح فيه لاعبين لكن ما تعودت العب به 
هارد لك ويستاهلون المدفعجية
المهم نبي موضوع عن الفرج بعد استقالة حسام الصالح اليوم وثبوت صحة خبر الفرج .. لا تصرف يالنصراوي
ابشر يابو حميد ,, خل الادارة تقبل الاستقالة وابشر
في النصر ما عاد تدري وش تبزى ان قلنا ادارة جونا لاعبين وان قلنا لاعبين جونا مدربين