فيه واحد من الشباب عزّابي كل اسبوع وخصوصا الجمعة مايلقى من يغديه وعايش على المطاعم في نهاية الاسبوع قلت اليوم ابمره وابجيب معي غدا لي وانا وياه .. مريت المطعم قلت خمس دقايق وانا طالع ويوم وصلت المكان مالقيت لي ملبق ويوم لقيت نزلت وقعدت عشر دقايق على ما ياخذون الطلب مني ونص ساعه على ما خذت الطلب وطلعت في خلال الفترة هذي قابلت واحد من اخوياي في المعهد قلت وش السالفة زحمة اليوم مب عادة .. قال يا رجال ماعاد فيه حريم يطبخون قلت وش جايبك انت قال هه انا عندي هالحريم اللي ما يطبخون ..
الحين لو تشوف أي بنت وتسألها تعرفين تطبخين تقول حتى الشاهي ما اعرف اسويه !!!!!!
طلعت أحسن منكم يالبنات 
ماراح اقول البنت لازم تقعد في المطبخ ولا تطلع منه والكلام الفاضي ذا … لكن على الاقل تعرف تطبخ اذا بغت تطبخ ولا تعيش على المطاعم والشغالات اللي مادري وش يبي اكلهم ,, حتى كاس المويه لو تجيبه الشغالة طلع شين.
وانا من جد لاحظت الشي ذا في اماكن كثيرة البنات مايعرفون يطبخون ولا يبون أصلا والشغالة هي اللي مقضيه شغلهم كله والا الله يخلي توصيل الطلبات ماتقصر كلها دقة تلفون واحلى عشا جايك ..
شرايكم انتم وخصوصا البنات 
Filled under General
View reactions
أحب أن أقدم لك فكرة راديكالية …. الرجل بإمكانه أن يدخل المطبخ ويطهي الأكل لنفسه
واو
هههههههه اضحك الله سنك…
الحين لو تشوف أي بنت وتسألها تعرفين تطبخين تقول حتى الشاهي ما اعرف اسويه !!!!!!
طلعت أحسن منكم يالبنات
هو على حسب التربيه اكيد ومااعتقد فيه بنت ماتعرف تسوي شاهي مب لذي الدرجه !!
ومااعتقد انه كل يوم يشري من المطعم واهله بالبيت
يعني يوم طبخ ويوم لا من باب التنويع ومن باب المقارنه نبيكم تفرقون اكل المطاعم واكل البيت علشان عقب اليوم اللي تاكلون من المطاعم تذكرون ولو بكلمه تقولون الله يعطيكم العافيه بدون عذاريب بالاكل ..
اقول لك شغله
اذا كانت البنت تشتغل من السابعه صباحا ولا تعود الي البيت الا الرابعه ومنها للجامعه -اين تجد الوقت لدخول المطبخ
لكن هذا لا يعني انها لا تجيد الطبخ
الطبخ بالنسبه لي مزاج
لكن لو كانت السيده في البيت وبدون خادمه(وحتي لو بخادمه ) -اين الحجه لها-يوم يومين من المطاعم للتغيير لكن مو علي طول
ihath : يووه صح يقدر وين راحت من بالي ذي ,, بس لو سمحتي انا اتكلم عن المجتمع السعودي ,, لا تحشرين نفسك غصب
العـــنود : والله ان اكل البيت وش زينه لكن والله ما يخربه الا هالشغالات
>>> متحطم نفسيا ..
layal: أتكلم عن البنات الفاضيات اللي ماعندهم شغل ولا فكروا انهم يتعلمون .. صحيح الطبخ مزاج ولو مالك مزاج تطبخ لا تطبخ أحسن لك لانه بيكون برضوه مالك نفس تاكل اكلك .. فاختصرها من اولها
ومعك حق في اللي قلتيه
هههههههههههههههههههههههههههه..
ياحليلهم الشباب مالهم سالفه الا البنت اللي تطبخ والبنت اللي ماتطبخ..
معك حق لازم البنت تعرف تطبخ عشان اذا تزوجت>>(تزوجت مو في بيت ابوها) تطبخ لزوجها…
هذا اولا..
ثانيا … انا عن نفسي ماعندي مانع اطبخ ابدا بس لازم اكون رايقه واطبخ شي احب اكله ويكون فيه احد يحتاجني اطبخ يعني مايكون فيه بديل ممكن يطبخ عني فلازم انا اكون اخر الحلول بمعنى اخر اذا كان في احد مزنوق وصدف ان البيت مافيه الا انا اكبر انثى ممكن اطبخ>>علما بان هذه الحاله مش ممكن تحصل:)
والله من جد الطبخ مو عيب بالعكس المفروض البنت اللي تعرف تطبخ تفتخر بنفسه..
ما أحب الطبخ
قل لصاحبك ..
لما اشتكى أهل حمص لعمر بن الخطاب - رضي الله عنه - سعيد بن عامر ” والي حمص ”
كان فيما قالوا عنه ” لا يخرج الينا حتى يتعالى النهار وقالوا أيضًا
وله في الشهر يومان لا يخرج فيهما الينا ولا نراه ”
فكان رد سعيد بن عامر - رضي الله عنه -
أما قولهم اني لا أخرج اليهم حتى يتعالى النهار..
” فوالله لقد كنت أكره ذكر السبب.. انه ليس لأهلي خادم، فأنا أعجن عجيني،
ثم أدعه يختمر، ثم اخبز خبزي، ثم أتوضأ للضحى، ثم أخرج اليهم”..
أما قولهم: ان لي يومين في الشهر لا أخرج فيهما…
” فليس لي خادم يغسل ثوبي، وليس بي ثياب أبدّلها، فأنا أغسل ثوبي ثم أنتظر
أن يجف بعد حين.. وفي آخر النهار أخرج اليهم “.
حين لم يكن لأهله خادم لم يقل ” ماعاد به حريم يطبخون
” .. بل خدم نفسه وهو والي.
—————————————-
حقيقة لا أمانع أن أتعلم الطبخ لكن ليس الآن فلن أطبخ في بيت أبي
حريم آخر زمن !!!
لا تحزن يا صغيري
..
يمكنني أن أعلمك الطبخ ، فأنا أطبخ منذ 5 سنوات ، ولا تجعل نفسك عرضة للمطاعم وأهلها ..
وغير كذا اخ فهد…
بصراحه الرجال عندنا لازم يطبخ لهم كل يوم كبسه او صحن مرقوق ولاقرصان……
مو كذا..ولا الباقي مايسمونه اكل يعني المكرونه والفطائر والساندوتشات والسلطات هذي يعتبرونها نقنقه…>>>>مبين اني متحمسه مع الموضوع..
اعذروني على التطفل.. هاذي اول مرة ازور المحارب..
والله انا اتحدى احسن طباخة.. اصلا الحريم يطبخون بس كذا و كذا تمشية حال يعني.. لكن الرجال تطبخ بنفس!
اللي مو مصدقني يشوف مدونتي فيها آخر طبخاتي .. بالصور بعد
FATOOO : يعني أبمن عليكم بطبخي
لكن البنت في بيت ابوها هي اصلا بتتعلم فيه شان اذا تزوجت تطبخ لزوجها لكن ان ما طبخت في بيت ابوها بتجيب العيد في بيت زوجها صح والا لا.
الطبخات اللي يحبها الرجال والله لو انها خبزه وجبنه لكن فيها طعم يحس ان يتلذذ اذا جا ياكل مب ياكل الين يشبع وهو ما يحس بطعم الاكل ..
يمكن اهلك هم اللي كذا لكن ما يعجبهم الا الشي الدسم … ان سويتي لا تنسين ترسلين لي
Sz. : سؤال جاوبي عليه .. هل الرجال مطلوب منه ان يطبخ في ضل وجود شخص يقوم مقامه في الطبخ واللي المفترض انه تكون البنت ؟ .. الوالي ما عنده احد عشان كذا يسوي شغله بنفسه لكن اللي عندهم وفوق كذل يضطر انه يسوي شغله بنفسه وش رايك انتي ؟
بندر : اي والله
شـاي أخضـر : شاطر !!
قويدر : صاادق الولد اذا طبخ يطبخ بنفس لانها اول مرة واخر مرة
جملة دايم أقولها لربعي … أول صفة أبيها ببنت الحلال اللي راح أتزوجها لازم تكون طباخة ماهرة ..
ما أحب أفسفس(أبذر بالكويتي) فلوس على سوالف المطاعم
وأحب الحرمة تعرف أمور بيتها .. مع إنه ما عندي مشكلة بخادمة .. لكن هي المعنية الأولى ..
أتذكر الأستاذ سردال وهو ممن نتعلم منه الأمور الإجتماعية في أجمل أصولها يقول أنه لن يأتي بخادمة إلى منزله أبداً .. لا أعلم كيف سيتزوج !
آخر زمن :d
ما هذه الدموع التي أراها تترقرق في مقلتيك
؟
?
أهو الجوع ، أم القهر
” هل الرجال مطلوب منه ان يطبخ في ضل وجود شخص يقوم مقامه في الطبخ واللي المفترض انه تكون البنت ؟ ”
من تقصد بالـ ” بنت ” .. إذا كنت تقصد الزوجة معك حق .. إذا كنت تقصد البنت تطبخ لأبيها أيضًا معك حق
لكن تطبخ لأخيها لا أعتقد أنه من ” المفترض ” خصوصًا إذا كان أخوها أصغر منها أو لا يكبرها بكثير .
أحترم أخي وأخدمه لكن أطبخ له ” وأنا لا أهوى الطبخ ” لا لاأعتقد أنه يجب علي ذلك : ) ..
ولا أعتقد أن خدمة الرجل لنفسه ودخوله المطبخ ينقص من رجولته وكرامته شيء ابدًا .
قلت
” لكن على الاقل تعرف تطبخ اذا بغت تطبخ ولا تعيش على المطاعم والشغالات اللي مادري وش يبي اكلهم ”
تقصد تتعلم الطبخ لتخدم نفسها بدلاً من الاعتماد على الخادمة ؟ .. نعم أوافقك الرأي في بعض الأحيان .
أتمنى أني لم أضخم الموضوع .. كل مافي الأمر أنها وجهة نظر تقبل الصواب والخطأ
لم أقل أن دخول الرجل للمطبخ يعد انتقاصا لكرامته ,, انا من الرجال الذين يهوون الطبخ والدخول للمطبخ ” أحيانا ” ولكن على حسب رؤيتي أن المرأة لا تود أن ترى رجلا في مطبخها وهي تطبخ .. وانا أمر بهذه الحالة فدخول المطبخ محرم علي حينما يكون هناك أحدا من الاهل يقوم بالطبخ ,,, وياويلك ان لمست شي
وجهات نظر تحتمل الصواب والخطا
تبي الصراحه ماعاد به رجال
الحين الوحده تزوج و دليل المطاعم بشنطتها
و اسطوانة الغاز (الصغيره بعد ) تقعد سنه مليانه
ما فهمت شلون ما عاد به رجال !! وش دخلهم ؟
كيف وش دخلهم مو هم اللي ياكلون
بس ترى ما اقصد شي طلعت عفويه
قوية هذي جملة الأخ اتزعنف! “ما عاد به رجال”
جد قوية ..
يعني تبي الرجال يشيل العصا معه ويسايفها مع دليل المطاعم اللي بشنطتها ؟
أعتقد الإحترام هو اللي يخليها تسوي له اللي يبي ..
لكن تدري ؟ معك حق “ما عاد فيه رجال”
فيه حكمه تقول
” الرجل يقول في المرأه مايشاء والمرأه تفعل بالرجل ماتشاء ”
ياكثر ماتحشون بنا انتم ..!
ولو نبي نحش بكم ماقضينا ,, بس ربي جابلنا على هالطبع اننا نفعل مانقول ..!
بالنهايه .. ترا خويك ذاهو اللي مقترح انه يجيب من برا وقايله عشان ماتتعبين عمرك ياقلبي انتي ,, بس مايقدر يقولك .. يبي يسوي نفسه مغصووب !!
نواف
:what:
كل هالانوثه و الأخ
حطمتني من جد
أي أنوثه يا اتزعنف؟
جاي تلعب عليهم يا اخ
بس صادق اخوي .. هاليومين الكلمه كلمة الحرمه هي اللي تمشي البيت بدال ما كان العكس.
من جد ….
“ماعاد فيه حريم يطبخون” جملة صحيحة 100%
ماادري ليش؟؟
هذي الجملة يصبحني فيها اخوي ويمسيني اخاف اهو صديقك اللي تتكلم عنه …(مشكلة)
انا من 3 سنوات ماعاد احب الطبخ(اكيد احد ناضلني ..اكيد من زود سناعتي)
المشكلة اني حتى المطبخ ماعاد احبه وهذا نتج عن اتقاني لجميع الي يخطر في بالكم فخلاص ماعاد اتحمس اطبخ وابهر اهلي( سنع ..سنع)الا في السنة 5 مرات تقريبا ماعدا رمضان طبعا شي اكيد
وش الاسباب؟؟
اولا كل المطاعم الحين توصيل في عشر دقايق!!!
ثانيا وش وظيفة الطباخة اذا بأطيخ انا؟؟ حدي اعلمها واشرف عليها
ثالثا الطبخ ياخذ وقت والدنيا صايرة زحمة
رابعا مافيه احد يقدر الابداع بس زيدي الملح شوي والله تشوفينهم يتوعوعون …
رابعا كل صديقاتي اللي تزوجوا عندهم طباخات( امحق حريم … وما أيد هذا الشي طبعا)
شعارهم( طالبة وام وزوجة… يكفي خلي الطبخ على الطباخة)
…………….
انا مليت صراحة وهذا اكبر سبب فلا احد يلومنا اذا ماطبخنا وماتلامون اذا قلتوا ” ماعاد فيه حريم يطبخون” لان هذا الوااااااااااااااقع
خليني أقولك شي أخوي أنا لي سنتين وانا أطبخ ببيت زوجي لكن ولا عمري حسيت بالوناسه وانا اطبخ برغم ان طبخي حلو ولا أمدح نفسي لكن هي مشكلتين المشكله الاولى ان زوجي مايعجبه طبخي يبي طبخي مثل طباخ امه علما اني من دوله وهو من دوله ثانيه والمشكله الثانيه اني ماأحب بل أكره غسيل الصحون عشان كذا اذا رتبت المطبخ وبخرته أحبه يقعد على ذا الحال لو أبع وعشرين ساعه عشان كذا انا اكره الطباخ ولازم انتم الرجال تعذرون حريمكم لانهم مساكين ومثل ماانتم تتعبون وتملون هم بعد يملون ولا يمنع انكم مثلا يوم بالاسبوع تطلعونهم يتغدون برا واليو الثاني تجيبون أكل للبيت من المطعم يعني يومين بالاسبوع اجازه عندهممثلكم انتم يوم الحكومه عاطيتكم اجازه يومين بالاسبوع وشكرا