يالله انك تجعل هالكلام حجه لي مب علي عند بعض الناس 
…
كنت أول يعني أول من زمان وانا في اولى ابتدائي وانا توني مدري وش الدنيا ومدري وش الله قايلن بي ,, كان فيه واحد من اخواني - بيطقني لو شاف البوست 
- الله يهديه هو اللي خلاني أشجع النصر طبعا كان كل مباراة للنصر يروح لها وياخذني معه ,, كنت انا وياه النصراويين والباقي كله هلال .. كان ياخذني معه ايام ما كانت المباريات في الملز والعصر ايام ماجد عبدالله والجيل الذهبي صراحة ,,, أما الحين خمام الا ما ندر حقيقه 
المهم كنا نروح وانقطعت فترة طويلة عن الملاعب ,,, أخوي عقل ما عاد صار يروح همن اعرس ونسانا ونسى الدنيا … دارت الايام وجاه ولد و ينشأ ناشئ الفتيان فينا على ما كان عوده أبوه ,, ويصير نصراوي الولد صميم حتى اكثر مني … المهم كنا نتغدى يوم جمعة كان فيه اخوي ذا وولد اخوي ثاني طبعا فيه ناس ثانين بس هم الزبده ,, ولد اخوي ذا هلالي مدري وش جاب طاري الهلال والنصر المراد ان اخوي ذا عرف ان ولد اخوي هلالي قال ااه لو اني داري عنك من قبل كان ورطتك مثل ما ورطت غيرك ,,, اللي هو أنا طبعا >>> مغلوب على امره …… قلت عاد انا اوريك كان فيه مباراة قريبه بين النصر والهلال وقلت لولده تروح معي وهو ما صدق خبر قال لابوه وابوه كن وده يعيي بس وافق قال كودها مره وتنتهي … وأروح وأطق له ذاك اللبس النصراوي شال وعلم ولبس وكلش شي اصفر في أصفر … كانت مباراة الهلال والنصر هالسنة في كأس الامير فيصل بن فهد يوم فاز الهلال 2-0 .
7
7
7
7
7
اذكروا الله 
همن بعدها تحطم الولد قال بننهزم كل مره وان النصر مب شي ,,, واخذه معي مباراة القادسية والولد تحمس صار كل مباراة يجي يسألني بتروح لها والا لا وان كاني ابروح خذني معك حتى بعض الاحيان أنسى ان فيه مباراة ويدق يذكرني ترا فيه مباراة خلنا نروح لها
آخرها مباراة النصر مع الاتفاق اليوم اللي فاز فيها النصر ,, دق علي ابوه قال وش سويت بولدي يبي يروح الملعب خربتاه علينا ,, ضحكت ضحكة شيطانية قلت خله احسن 
..
عاد المباراة الجاية مع الوحدات ان شاء الله اني ابروح واباخذه معي ,,, كود ابوه يطيع عاد أحس انه حقد على شي اسمه نصر
وهذي بعض الأهداف الماجدية من التاريخ الماجدي رفعتها على موقع قوقل حق الفديو وعقب الطقاق وافقوا عليها
1- صفحة البحث
2- أهداف على الطريقة الماجدية ,, لا يفوتكم الهدف الاول أحس الحارس يقول حسبي الله عليك يا ماجد كانك شهّرت بي
Filled under General
View reactions
السـلام عليكم ورحمة الله وبركاته
أخي المحارب .. بعد التحية ..
” وَأَوْفُواْ بِعَهْدِ اللّهِ إِذَا عَاهَدتُّمْ وَلاَ تَنقُضُواْ الأَيْمَانَ ” ..سورة النحل
أحيطكم علما بأنكم مدينين لي بمبلغ - خمسون ريالا سعوديا - ..
وقد جرى تذكيركم مرارا وتكرارا ولكن لا حياة لمن تنادي ..
فـ رجاءا ، بحكم الصداقة الصدوقة و - العشرة الحلوة - ، الرجاء تنفيذ إلتزاماتكم - بالطيب - والمعروف ، وإلا سيتم إتخاذ الإجراءات اللازمة التي أحلها الشـرع وأيدها القانون ..
أخوك :
المحامي / شـاي أخضـر ..
مشكلتك الله يهديك انك تسلف 10 ريال وتقول رجعها 50
يعني يوم عزمت أعلق في مدونتك عشان أرقع سالفة الحش ، تقوم وتتكلم عن فوزكم على نادي الإتفاق وكأنكم ملكتوا العالم وشفيتوا غليلكم
..
أحب أذكرك بأن الضرب في الميت حرام ، والإتفاق والنصر حالتهم من بعض ..
وإذا في النصر خير خلهم يفوزون على الإتحاد أو الهلال ، طلعتوا منهم بالتعادل وراحوا مشجيعنكم يدورون بالشوارع كأنهم فايزين بكأس العالم ..
^
^
^
^
^
^
^
إن شاء الله ما تشيل بخاطرك ، لأني تركت تشجيع الإتفاق من يوم انفتح باب الإحتراف وضاعوا في الطوشة ، وترى النصر بعد عبد الرجمن بن سعود أنتهى ، أترك الكورة أو شوف لك فريق غيره
P:
ماشي صح
ماشاء الله تبارك الله ..
..
..
ربي يحفظه ويخليه لأهله حتى يرفع راسهم بكرة وبدون كورة
أقول فهد ، عساه مهوب محجوز
Dear Almuhareb , Fahad .. After Salamo 3alekom
لا تجعل دمك محبرة لقلمي ، ولا رأسك علما أزين به أسوار مدونتي ..
أود أن أنام قليلا ، فأطفي النور وأقفل الباب خلفك ، وإلا استعلمتك كـ شابورة تسـالي إفطارا لي في الصباح مع الـ - شاي بالحليب - ..
عمتم مســاءاً ..
ماشي صح: لا يارجال حش بيديك ورجليك بس مب واجد
النصر يا عزيزي متى ما بغى يفوز يفوز بس وش تقول في اللاعبين تكفى
الاتحاد ماهوب فايز علينا ان شاء الله لانه وكما يبدو ان فوزه كله برا اما جوا مايقدر يسوي شي ونشوف مباراته
وش رايك أشجع النصر فريق تنس طاولة ؟؟
الدكتورة: لو تدرين وش اني قايل لابوه واشوا انه هون بس
ايه محجوز لبنت عمه وضحى
شاي أخضر: كم تبي الـ 10 ,, 200 ؟؟ والا 300؟؟ والا عزمك في الفخار
اول شي ولد اخوك سعودي من جد :p
ما شاء الله الله لا يضره
وثاني شي بصراحة انا اعارض روحة الصغار للملاعب بصراحة الملاعب فيها اشكال صراحة وحنا كبار نتضايق من اللي يصير من فئات كبيرة من الجمهور وشلون والصغار يشوفونه
Abod: الله مير يسلمك ,, بعدين خله يتمرجل مع الرجاجيل ويتعود على الروحة والجيه >>> ناوي يدشّر الولد
كان الله في عون جماهير النصر اقسم بالله اني ارحمهم ما اقولها مسخره لكن اقولها صادق .
لكن فيهم صفة مهيب موجود في جماهير المملكة كلهــا وهي صبرهم ووفائهم للنادي .
لكن ان شاء الله النصر يبي يرجع زي اول واحسن برجعة الرئيس الذهبي فيصل بن عبدالرحمن
وبالنسبة لي هلالي من قلب بس تراي منصف ومحايد يعني كل واحد ياخذ حقه
:) ؟
بعدين وراك ما حضرت مباراة الهلال والنصر الاسبوع اللي راح ولا كنت خايف من شي بس ما صار
والله ياخوك اني خايف ولانيب خايف
يعني انا اصلا كنت ابروح بس انشغلت يالله اني شفت المباراة من نص الشوط الاول
مسكين الولد اذيته من التنقل في هالمباريات ، اقول ترى الحين برد خله يشوف المباريات في بيتهم احسن له لا تجيه صقعه برد خخخخخخ ، وبعدين وش له بالمباريات احسن خله يشجع المنتخب لا يصير عنصري
اخ يالمنتخب ذكرتني بالخمسة اللي جات مثل الضربه على الراس ، اجل العراق تعطينا خمسه ، صحيح هم فيهم لاعبين ما شاء الله عليهم بس مو خمسة علينا ، والمشكلة مافيه لعب ابد ، لعب الحواري احسن منهم.
خيرها في غيرها
تحياتي القلبية
قرطاس : المنتخب الهلامي صراحة فشلنا في هالدورة مع اني ما شفت ولا مباراة له ,, الا اني اسمع انهم يبون يغيرون المدرب :S ,, يعني كل ما انهزمنا نحط السبة في المدرب واللاعبين تراهم احسن ناس عندنا في المنتخب ولا نعطيهم حقهم من العقاب >>> خش جو .
المهم لا يفشلونا في كاس العالم ,,, بعدين تسوي نادي لطلاب معهد الادارة ولا تقول لنا
مشاء الله تبارك الله .. الله يحفظه
حلو انه يكون له شخصيه ويتحمس لفريق معين بس لا يوصل للتعصب
وشكلك كانك متحسف على السنين الي شجعت فيها النصر
اهم شيء لا يسوي مثل بزارينا الي انتقلوا للإتحاد
الحين هالنادي ما مات للحين
احس خلاص المفروض ينقرض من الوجود
Fahodi: لا والله مانيب متحسف بس السنين اللي راحت سنين عجاف وان شاء الله انها ما ترجع ابد
سعلوه: يمرض بس ما يموت
اذكر انهم بغوا يقلبونه بوفيه بس تزاعلوا من اللي يمسك الحساب
الله يعينكم بس ليته على شئ يسوى..الحمدالله مالي بالكره..وليتها انديه ينحكى فبها على الاقل
نسايم الكادي: يعني تتوقعين الهلال السوداني نادي ينحكى فيه ؟؟
مع ذلك فيه ناس تحبه وتشجعه ,, انتي مثل اللي يقول ليه الناس تحب السيارات
اقول ياعزتي للوليد عز الله منك ومن ابوه
اقول ورا ما وديته مباراة الاتحاد بس؟؟؟
على الاقل الوليد يفرح شوي بالاهداف
مشكلته انه ما يشجع الا فرق عالميه
السلام عليكم ،،،
قصة حلوة قرأتهاكلها
ياخي والله انك استاثمت في الولدمسيكين وبتعيشه عقده بتشجيعه للنصر!!!!!!!!!!!!!
أجل النصر؟؟؟؟؟؟؟؟؟؟؟؟!!!!!!!!
بالنسبه لي انا هلالي ولله الحمد،،،
على العموم هارد لك على هزيمة الشباب لكم…وبالتوفيق في الجايات.
انت تعجبني ..
تصدق عاد نفس الشي مسويه لأولاد اخوي؟؟
كنت اخليهم يشجعون النصر غصب بس اللي كان يفشلني انهم يقولون (( النصر ما يفوز كيف تقول فريق قوي؟؟ ))
بعدها فكرت بحل خطير جدا .. قلت ليه ما اوريهم اهداف ومهارات لاعبين النصر القدامى؟؟؟بعدها شريت شريط اهداف ماجد
وشريط محيسن وشريط الهريفي .. وصرت اوريهم مهارات لاعبين النصر القدامى وخليتهم يحفظون اسامي لاعبين النصر القدامى .. لدرجة انهم في السوني مسوين فريق النصر كلاسيك وحاطين سالم مروان حارس ككككككككككككك
السهم الملتهب
مبروك لك ياالهلال
انا بـــــــــــس اقول الـــهــلال زعــيـــم نـــصـــف الارض هذاء يكفي يا نصراويين……..
وشكرا