فيه من المقالات اللي كانت مكتوبه في كتاب “سواليف خاثره” فيه مقال اسمه “نيوتن والقروي” قال فيه الكاتب ان الحين لو جانا قروي والقروي هو اللي قاعد في ديرته ولا يدري عن شي ابد ولو قلت له تعرف نيوتن قال لك وين يشتغل فيه :S … المهم لو جانا هالقروي وقال انا جبت لكم شي جديد وجمع اخوياه وربعه في السطح عنده وجاب لهم تفاحة والا قلم والا دبوس وقام وذبه من فوق ,, شي طبيعي بيطيح اللي ذبه ,, بيقول لهم انا اكتشفت ان الارض تجذب كل شي لها ,, طيب الحين ذا طلع نيوتن والا نص تفكير نيوتن ؟؟
الخواطر وتواردها شي طبيعي مثل ما قال الكاتب ,, يعني انت فكرت في شي لا تفرح انك اول من فكر فيه ,, انا عن نفسي فكرت في فكرة وقلت بس محد فكر فيها وبديت اسويها بعد يومين لقيتها في الجربدة منشوره 
.. وواجد اشياء تصير لي كذا .
طيب الحين من اللي يستخدم النت في غير اغراض الكترونية بحته ؟؟ يعني مثلا وده يشتري شي ولا يدري يشتريه والا لا دخل النت وبحث عن هالشي قبل لا يشتريه ,, والا وده يطبخ اليوم ولا يدري وش يطبخ ,,, فكونا من الرز والدجاج شوي 
,, يعني بغا يجدد شوي ويشوف طبخات جديده وسهل انه يسويها من اللي يستخدم النت في الاشياء ذي ؟؟
أغلب اللي “اعرفهم” مايستخدم النت الا في البحث بس يعني طلب منه الدكتور بحث دخل النت وخذ البحث وطلع هذا حال نص شباب الجامعة الا من رحم ربي لكن اذا جا بيشتري شي راح وشراه همن تحسف وقال ليتني شاري ذا والا ليتني مسوي ذا طيب النت مليان وفيه كل شي كان دورت كان سويت يقول ماعليك نص اللي في النت خربطة ولا عندهم سالفة ,, التفكير العقيم ذا مانيب احبه يعني انا الفاهم والناس لا .
المهم الحين علموني عمركم استخدمتوا النت في الاشياء اللي قلتها غير اغراض انترتيه ,, بالعربي استخدمتوا النت عشان اشياء في حياتكم ومب عشان شي داخل جهازكم >>>> قايل لكم فاشل في التعبير
Filled under General
View reactions
فضفض يا ابو الفضفضة.. فضفض
بصراحة استفدت من الانترنت بشكل كبير ماتتصوره في اشياء كثيرة لكن اطرف استفادة استفدت فيها من الانترنت كان في كيفية ربط الكرفته… اخوك قروي لبست بدلة و لا عرفت كيف اربطها!!
دخلت على الانترنت و كتبت how to wear a tie و يطلع لي موقع يعلمك كل كيف ربط جميع الربطات…
المضحك انه لمى قلت السالفة للشباب… ابتسموا و كأن المشكلة حصلت لكل واحد منهم لكن كانوا مستحين يسولفون فيها… في النهاية كل واحد قص فصته …أغلبهم حلوها بإيقاف أجنبي في الشارع او في محل و طلب منه ربطها (:…
تحياتي للفضفتك (:
مرحبا فهد … أنا غالبا أدور عن أي شي على النت قبل ماأشتريه خصوصا الأجهزة الالكترونية
وأقعد أتحسر على الأسعار الرخيصة عندهم والغالية عندنا 
هذا مثال وطبعا فيه أكيد أشياء ثانية زي الكتب و الافلام مثلاًًٍٍٍٍ
السلام..
في البداية بلوج جميل ومواضيع جميلة
لما جيت ادرس في بريطانيا اكتشفت انك تقدر تسوي كل شي في الدنيا بالانترنت .. كل شي ممكن تحصله وبسعر ارخص
ياخي حتى الأكل وأغراض السوبرماركت تشتريها وانت في البيت ويوصلوها لك على الباب..وحتى الملابس ادا تبغى بعد
وغير الشراء اشياء واجد بعد من معاملات بنوك و تذاكر الطيران وحجز الكراسي والوجبات حقهاوتشييك اوقات القطارات والباصات وبرامج التلفزيون والحالة الجوية (عشان تلبس جاكيت ولا لا ) وغيرها وغيرها
ياريت تصير الحياة عندناكذا في السعودية .. ياريت
اكيد خصوصا اذا جيت اشتري بعض الاغراض الالكترونية اللي ما عندي معلومات كافيه عنها او عندي لكن ما اعرف اسعارها …
المستخدم السعودي - في الغالب - لا يتعدى الدردشة في استعماله للإنترنت ..
سواء على مواقع الدردشة ، او برامج الدردشة أو المنتديات ..
كنت في السابق أصاب بـ - تبلك معوي - عندما اكون خارج البيت واضطر لـ دخول مقهى إنترنت ، وأشاهد شعبنا المثقف وهو يتثقف في غرف البالتوك والديجي شات ، تغلبت على المشكلة بعد أن اقتنيت الـ JASJAR
بصراحة موضوع حلوووووووووا مرة ومفيد ولكن الاشكالية مو في المستخدم بس المشكلة حتى الشركات المحلية ما اقتنعت حتى الان بفكرة تقديم خدمات الكترونية مميزة واحنا متاخرين في هذي الناحية
نسيت اقول هم بعد الانترنت وبطئها يعني يمديك تروح تسعر وتلف السوق وتختار وتشتري وترجع البيت اسرع من الانترنت
حسام : واللي يلبس غير ثوبه ,, يحس بالفرق واضح
والله كويس فك أزمة يعني ,, تتوقع فيه موقع يعلمك شلون تلبس شماغ
سوالفي: لاعاد انت خبرة , ما اقدر اقول شي
hassan: الله يسلمك
كلمة ياليت ولو ,, ما تنفع الشكاي
فيه مواقع كذا يعني يعلمك الطقس لكن ما اتوقع يوم من الايام بنده تسوي موقع اطلب وانت في بيتك ويجيك الطلب والا اي سوبرماركت كبير
البراك : الله يعافيك على المشاركة ..
شـاي أخضـر: طيب درينا ان معك جاس جار
gmr14 : يمكن المستخدم بعد ما يدري ان في الانترنت أشياء أكبر من الدردشة والمنتديات ,, يمكن يكون حاجز اللغة مايخليهم يستفيدون الاستفاده الكبيره من النت … شاكر لك تعليقك