على غرار اجتماع المدونين الكويتين والمدونين الاماراتيين … كنت أتمنى أن يتم لقاء بين المدونين السعوديين , كنت من قبل قد اتفقت مع حرباز على هذا الاجتماع لكن لم يكن هناك تنسيق بين المدونين أو بالاحرى لا نعلم من المتواجد في الرياض ممن متواجد في خارجها … الان عاود الاخ محمد ( شاي أخضر ) بالمبادره بعقد هذا اللقاء وطلب مني الكتابة بهذا الخصوص ,, الان نبي نجمع المدونين المتواجدون في الرياض كلقاء مبدئي وأيضا من له القدرة على الحضور من خارج الرياض …
الباب مفتوح للجميع ,, ممنوع اصطحاب العوائل 
Filled under General
View reactions
معكم معكم
مرحبا … فكرة جميلة وحرباز له سنة وهو يقول نبي نشوفكم
أنا راح أكون متواجد ان شاء الله اذا ماكان فيه اختبارات
ياجماعة الخير قايلين لكم بس انتم ماش الله يهديكم
[...] وأخيــــرا .. يتم حاليا التنسيق مبدئيـا لـ - لقاء المدونين السعوديين - ، وقد تفضل الأخ المحارب بعرض الفكرة في موقعه ، نظرا لأنه أقدم مني في التدوين وله - شهرة - بين أوساط المدونين .. وسيتم تحديد الزمان والمكان في القريب العاجل بإذن الله على كل ، نتمنى أن نلقى استجابة من الأخوة أصحاب المدونات .. والله الموفق ،، [...]
مـرحى ، المزيد من السعوديين..
أهلا حربــاز ، أهلا سوالفي، إن كان المحارب يضايقكما في أي شيء فأخبراني ، وسأتولى أمره
يسرني ويسعدني هذا الاجتماع المرتقب.
أنا لست موجودا في الرياض، أنا في عنيزة، ولكن سأحاول الحضور إذا تم تحديد الموقع سلفا.
وتحية طيبة وعطرة للأخ فهد.
عبد العزيز ( بشرى ، زيزووو ، زيز ) كلو واحد
معكم والاجر على الله
السلام عليكم
تدوين, بوابة المدونات العربية تبارك خطوة المدونين السعوديين نحو لقاء يجمعهم على الخير بإذن الله.
وضعنا رابطاً للنقاش فى تدوين http://www.tadwen.com
و نتمنى لكم التوفيق
[...] بإذن الله ،، جالسين نرتب مع الحلو المحارب على لقاء المدونين السعوديين الأول .. نتمنى من الجميع المشاركة .. واهداف الاجتماع تصب في صالح المدونين عموماً .. للمشاركة والتسجيل اضغط هنا [...]
أشكركم جميعا على المشاركة ,,, همسة في اذن شاهي اخضر ,, ارفق علي شوي ماذبحت احد من اهلك عشان تسوي كذا
على فكرة ممنوع اصطحاب الهلاليين
>>> وافهمي يا جاره 
امزح
مـا شـاء الله ..
، تعلمون طبعا أن ورائنا تجديد دومينات ومواقع (A) ..
الفكرة تلقت اقبالا اكثر من المتوقع ، شيء جيد ..
وبما ان العدد كبير ، فيبدو اننا سنفرض رسم اشتراك على كل من سيحضر
تحياتي للجميع ..
همسة أخرى كانت على جناح فراشة وجدت طريقها نحو اذن المحارب :
ماذا تريد :p ?
شئ جميل أصبح العدد تقريبا ستة أشخاص … نتمنى أن يزدادو قليلا
شاي أخضر .. ألديك علاج أو حل لكثرة (بربرة) هذا المحارب على الماسنجر ….
انقعه في الخل - الأسود - شهرا ، ثم عرضه للشمس والهواء ورش عليه بعضـا من الكمون والفستق المطحون ..
وإلا فأحضر له كيبـورد - صيني - ..
أتمنى لكم التوفيق والنجاح واللقاء جداً مهم ، ووجودي في الدمام سيكون عائقاً للحضور لكني معكم قلباً، وسيسرني جداً استضافتكم لو عزمت عقد هذا اللقاء في الشرقية ، منها لقاء ومنهـا سياحة في الشرقية خصوصاً الإجازة قريبة.
ودمتم
ماشي صح
امشي صاح يا ماشي صح ، ترى كلها 400 كيلو لا تتعذر
” يبدو أن المحارب سـ - يجيب أجلي - لكثرة ردودي في مدونته لهذا اليوم
“
وأنا معكم!
أقترح أن يكون يوم جمعه بعد التراويح في مقهى (كوفي شوب) مقبل على الإفلاس (علشان يكون فاضي) ونرتب معه يحجز لنا مكان واسع.
وكل واحد يحاسب عن نفسه (علشان ما تتهاوشون على الحساب ولا يجينا واحد مسوي فيها كريم وبعد ما نطلع يقعد يدعي علينا)
إمممممم…
وبس
اقتراح آخر!
ما رأيكم أن نقوم بعمل اجتماع أخر بعد اجتماعنا الأول في أحد غرف المحادثة مثل paltalk حتى تتمكن صاحبات المدونات من الإناث بالمشاركة؟
همسه رجالية (ما تبيهم بكره يكتبون ويقلون يا ليتنا نسوق وحقوق المرأة وخرابيطهم هاذي)
ماشاء الله .. خطوة جميلة جداً ..
..
وددت لو لدينا نحن الإناث مثلها ..
أهم شئ هو حرصكم على إستغلال وقت اللقاء كي لا يضيع بلا فائدة ..
..
ومن الجميل كتابة كل من حضر عن رأيه باللقاء من إيجابيات وسلبيات في مدونته ..
أخيراً أتمنى لكم التوفيق ، وأمنياتي لنا بالمزيد من الحظ ..
..
“وعقبال مانسوق” ..
معاكم أنا
بس ياليت لو تكون فيه وسيلة اتصال مباشرة
مثل : جوال - بيجر - نداء الي - نداء مهوب الي
خخخخخخخخخخخخخخخخخخخخ
المهم أنا معكم في أي وقت تبون
وأفضل لو يكون بعد العيد أنسب للجميع
مع خالص تحياتي وتقديري
بس س سؤال : نجيب معنا تكميلة كورة
انا اعتبره خيانه
طيب والبنات !! ليش ما نجتمع
على العموم شغله حلوه انكم تجتمعون وتقربون افكاركم
وتقدرون تعلنون هالشي بموقع المدونات السعوديه
والمدونين الشباب كثيير والله
بالتوفيق
السلام عليكم
فكرة جميله جداً ..
وأنا بإذن الله معكم ولكني لست في الرياض
وافوني بآخر الأخبار إذا استجد شئ
والله والله !!
مسويين إجتماعات من وراي؟؟
أقول بس قوموا ما فيه إجتماعات بخرب عليكم
والله فكرة مش بطالة إنه يصير فيه إجتماعات بين المدونيين السعوديين.. بس يا ليت إن كل مدينة يصير فيها إجتماع.. يعني كل المدونيين من الرياض أو الوسطى لهم إجتماعهم الخاص… واللي من الدمام أو الشرقية يجتمعون في الدمام… واللي من جدة أو الغربية يجتمعون في جدة.. وهكذا..
ولو كانت كلها في نفس اليوم تكون أفضل.. وكل مجموعة تتكلم عن الفوائد اللي خرجوا بها من الإجتماع.. وبكذا نحصل على فوائد عديدة ويكون فيه تنافس مثمر إن شاء الله..
تحياتي؛؛؛
شاي أخضر : ارفق شوي تراك اشغلتنا :p
شغلك عندي في الماسنجر اصبر علي بس
ماشي صح : ترا الدعوة كلها 400 كيلو يعني ماهيب شي
ضبط وضعك وتعال
رائـد: عاد شف,, فيه ناس يبونها في استراحة عشان ودهم يلعبون كورة
,, ولا نبي الدعوة رسميه يعني سوالف وضحك وتعارف بس وعشان ما يطلع لنا احد ويقول انا اللي بحاسب همن يتورط 
البالتوك ممكن يكون بس عاد من زين هالاصوات نقعد نتميلح بها
بس برضوه مش بطالة
الدكتورة: خلاص بنخصص مكان للعوائل للي وده يجي
شوفي احد من حقين السبيسات والمدونات مزي سعلوه وغيرها ورتبي معهم وطلعوا لنا اجتماع نسوي
الشريف.نت: يعني بما اني المنسق اخاف احط جوالي ويقولون ذا وش عنده يرقم والا يتميلح برقمه
اللي وده بالرقم يرسلي عشان اعطيه اياه
اما التكميلة عاد اصبر ونعلمك وين الاكيد في استراحة والا كوفي ,,, صعبة تدخل في كوفي معك كيسة التكميلة
se3loah : هلا والله تو ما نور المكان
سوو انتم يالبنات اجتماع وغايرونا عاد ان كانكم تبون تجون معنا مافيه مشكلة 
وليه خيانه
عاد انتي والدكتورة بعيدين عن بعض والا ابقول شوفيها
الله يوفقكم
أنس: حياك الله وابشر راح ارسلكم وين فيه وكم القطه
م/ كمال الغامدي : والله حلوة كل ديرة يكون فيها اجتماعهم ,, عشان محد مسافر عشان كم ساعة يحضرها ويعود ديرته , صعبه
يالله كان فيه احد من برا سووا اجتماعكم وغايرونا
————————-
هذولي بس المدونين السعوديين ؟؟
وين الباقين ؟؟
ويش فيها إذا اجتمع كل أهل منطقة مع بعض؟؟ على الأقل بنكون فريق كرة قدم :).. بس صراحة الرياض بعيييييدة وإحنا ما نبغى تكون الجمعة مرة وحدة بس في السنة!!.. نبيها في الشهر مرة يعني :).. والاجتماعات ما راح يكون فيها تكلفة كبيرة.. بس حدكم صحنين قلابة وحبة تميس :)..
تحياتي؛؛؛
وش ذا توكم ما اجتمعتوا
أتمنى الإنضمام لكن! من ليس مدون ولا يملك مدونة ولا يفكر بهذا فماذا يفعل ؟ تسمحون له يدخل ؟
لأني ودي أشوف الشباب الطيبه!
والله الفكرة رائعة جدا وأتمنى إني أحضر اللقاء ولكن للأسف أنا في مكة واللقاء في الرياض!!!
ونتمنى من كل من يحضر اللقاء بإذن الله أن يكتب موضوعا في مدونته عن هذا اللقاء وماذا استفاد منه.
مع تمنياتي لكم بالتوفيق.
و الله شيء يبسط الواحد… بس
المسألة فقط الزمن والمكان …
إنشاء الله الموعد يكون قريب مو مثل المواعيد مع استشاري الشميسي…
تقبلوا تحياتي…
بما أن لم يقترح أحد بعد بمكان أو زمان.
فأنا أقترح يوم الجمعة 25 رمضان في مقهى المساء تقاطع شارع العليا مع شارع التحليه بعد صلاة التراويح.
رائيكم؟
الدعوة فقط لأصحاب المدونات
اما الزمان ,, كـ اقتراح مبدئي هو يوم الثلاثاء القادم لكن المكان فـسوف يتم اخباركم به لاحقا ,,
الان يوم الثلاثاء ممتاز والا نغيره ؟
أخترت يوم الجمعة ليتفرغ من لديه دوام مسائي
للاسف يوم الثلاثاء غير مناسب عندي دوام
اقترح نجتمع على السحور في الثمامة عند ميدان الفروسية في الجنادرية والا عند الجسر المعلق :d
سلام عليكم ..
اتمنى لكم التوفيق احبتي وتكون جمعتكمـ كلها خير وبركه ..
تمنيت اني بالسعودية حتى بس احاول اني اكون متواجد .. مع اني جديد في مجال المدونات ومالي حس ابدا ..
عموماً الفكرة جداً اعجبتني عشان كذا حبيت اهنيكم عليها .. والله يوفقكم..
وبالتأكيد ما راح تكون الاولى والاخيرة… ان شاء الله جمعاتكم بأستمرار .. بالتوفيق والسداد
ناصر ,,
سلام عليكم
مدونه جميله اخي المحارب .. الله يوفقك
بخصوص اللقاء , ياليت والله ولكن انا من جده ويبغالها وسيلة مواصلات
الرخصه استلمها بكره , ونشوف وقتها اردلك خبر ان كنت رايح اقدر انطلك الرياض
دمتم ولقاء موفق ان شاء الله #
فكرة جميلة جداً، وأنا ان شا الله معكم..
أيام الجمعة موعد ممتاز، والرأي لكم أولاً وأخيراً
أخوكم منصور
أشكركم جميعا على الردود ,, موضوع قياسي 35 رد
الله يزيدهم 
يعني يوم الجمعة ان شاء الله والمكان ان شاء الله راح نحدده اليوم
فيه باسكوتشي كوفي جلساته حلوة ووسيعة وهدوء المحل في السليمانية اول شارع الدشوش وانت جاي من التحلية
ان شاء الله فهمتوا :d
السلام عليكم ورحمة الله وبركاته..
- وهو الذي يكون بعد مقهى المساء على يمينك وبجوار خياط الخيالة 
.. صحيح المقهى صغير ولكنه مناسب حيث تستولون على كامل المساحة ..
..
ماشاء الله تبارك الله .. اجتماع الخير ان شاء الله ..
أتمنى لو كان الاجتماع في جدة أو الشرقية ولكن ما فيه مشكلة الجايات أكثر ..
طالما أن عدد الحضور لا يزيد عن 8 فأقترح أن يكون في “ستاربكس” شارع التحية - في الرياض وليس جدة
وميزة هذا الفرع أنه فيه جلسة خلفية مخفية, وانت داخل تروووووح لآخر المقهى وتلقاها على يسارك وما فيه إلا جلسة وحدة تتسع لـ 8 تقريباً .. يعني لو صار “طقاق” لا سمح الله محد درى عنكم
على العموم أنا بإذن الله سأحضر أي لقاء مقترح في جدة أو الشرقية ..
فريق الشرقية ::
- م. كمال الغامدي
- ماشي صح
- وليد
- ؟؟
في أمان الله
هاه وش آخر المستجدات
بالنسبة لي يوم الثلاثاء يكون أحسن
عموما أتمنى منك أخوي المحارب لو تكتب موضوع ثاني فيه اليوم المقترح أو الايام المقترحة والمكان المقترح والاشخاص الي بيجون
عشان ماتضيع هنا بين الردود وتكون أوضح
مع خالص تحياتي
سلام عليكم
اتمنى لكم اجتماعاً موفقاً مناقشة وموضوعية
ودائما سنرى منكم الجديد حتماً
سيروا و عين الله ترعاكم
رضا
عقد أمس لقاء تحضيري بيني وبين الأخ حرباز والمحارب وتم تحديد الموقع واليوم تقريبا .. ولكن ننتظر الأخ حرباز لينتهي من حجز المكان ثم سيخبركم به ان شاء الله
خالص التحية للجميع
الله بعبن
يا أخ وليــد
حدد مكان لتقابل المدونين في الشرقية ، وإضافة إلى من ذكرت هناك أبو جوري والأخ فلسفة والأخ الشباب والتغيير ، إن شاء الله يحضرون اللقاء فيزداد العدد ، أنت حدد الموعد ، وبالنسبة لي سوف أسافر للعمرة يوم الأربعاء وسأتوجه بعدهـا للمدينة وسأكون متواجد يوم 28 رمضــان .
وهل تتوقع مقهى د.كيف منـاسب للإجتمــاع ؟؟
ماشي صح
أخي ماشي صح.. أعتقد أن الوقت مبكر نوعاً ما إلا إذا أراد الجميع ذلك فأنا تحت أمركم :)… وإلا أيش رايك يا وليد؟؟.. وبخصوص د. كيف لا أنصح به لأنه مزعج :d..
تحياتي؛؛؛
أتفق العرب على إن لا يتفقو
وش مطيرك يارائد :>
عط الذيب حرباز فرصة … :d
اذا مارد اليوم بروح له واتفاهم معه
هلا والله اخوي ماشي صح ..
-
بعد العيد بأسبوعين اذا ممكن يكون يوم خميس ليلة الجمعة - “تحلى الجمعة ليلة الجمعة” - نتقابل في “ستار بكس” الدوحة أو الكورنيش في الخبر ويكون عازمنا المهندس/ كمال الغامدي - كريم وحنا نستاهل
تكون جلسة للتعارف فقط وتبادل الآراء حول مشاريع التطوير القترحة كل من جهته ..
في أمان الله
وليد.. وين تبي؟ في المريديان وإلا الهولداي إن.. أقول.. حدكم سندويتش بيض مسلوق وبيبسي نص ريال :d..
إذا كان الموضوع علي أنا بدور على مقهى في الخبر مريت عليه قبل فترة وهو هاديء جداً وما فيه أي إزعاج وفيه ركن ينفع للاجتماع.. ناسي أسمه.. وبعدين حددو عدد اللي بيجون عشان أحسب كم خسارتي راح تكون :d
تحياتي؛؛؛
طيب يا عبدالله بردد “يا ليل ما طولك”
المهندس كمال أتوقع أن رأي الأخ وليد بخصوص يوم الخميس ليلة الجمعة بعد أسبوعيـن من العيد راح يكون ممتـاز ، وبخصوص المكان المقهى اللي تشوفه بس رجـاء حار غير ستار بوكس لأني مقاطع للمنتجات الصهيونيـة ، وراح أحاول أكلم الشباب اللي ذكرتهم .
ووبعديـن يا أخ وليد إذا أنت تمون على المهندس كمـال تراني ما أمون عليه والبيض المسلوق مع عصير الربيع خير وبركـة.
[...] الأخ المحارب دعا الى اجتماع مدونين الرياض وحضر 12 مدون أو مدون مستقبلي فقط. [...]
[...] وان شاء الله بيكون اجتماع ثاني واللي مالحق على الاولى بيجيه خير من الثانيه ان شاء الله .. اخواني المحارب وعبدالله الدوسري وحسام المقحم تكلموا باسهاب في هالموضوع ، الف شكر لكل من جاء وبسطنا في الاجتماع . [...]
السلام عليكم ورحمة الله وبركاته
صراحة كنت متحمس لحضور اجتماع الرياض ، لكن لقة متابعتي لأحداث الانترنت في الشهر الكريم فات علي أني اتأكد من تاريخ الاجتماع
على العموم ان شاء الله اذا يسر الله نحضر اتماع جدة وعساكم على القوة ياشباب ، على فكرة اناادعم مدونة نيكولاس.
الله يسعد أيامكم
يسعدني مشاركتكم وأتمنى من الله لي ولكم التوفيق
وبعدين وش هالاجتماع في مقهى نبي اجتماعات زينه فيها مفطحات وعلوم رجاجيل عشان الواحد يعرف يعبر عن شعوره.
اي تجمع رسمي او شبة رسمي سيقتل اي مدونة ستنضم الية والاخت اوكساب في طريقها لقتل فكرة التدوين السعودي التدوين السعودي جديد لم ينضج بعد يحتاج الى وقت طويل لينتقل من الكم الى النوع لقد صدمت واندهشت ثم ضحكت حينما علمت انه توجد مجموعة تريد تنظيمها فهي وليدة ولكن هل هو تنظيم ام السيطرة عليها ووضع قوانينها واعرافها قبل ان تنطلق فيصعب السيطرة عليها . “لايسمح في السعودية لاي تجمع اين كان الا تحت غطاء رسمي ” ويقولون خلصت الوضايف الحكومية!!
انا احب المنتدي كثييييييييير
وابغا صديق
فهل ممكن ؟؟؟
حياتي: الدلوعه