الاسبوع هذا راح يكون أسوا اسبوع يمر علي في حياتي الدراسية ..
امس الديك (الجوال) ما رن وانا حاط المنبه وراحت علي محاظرة غياب
واليوم زحمة لدرجة الواحد ما يقدر يمش متر الا بعد ما تطلع روحة ..
هواة البلوتوث هذا وقتهم يستغل اي وقفة لسيارة عند اشارة او اي مكان عشان يشوف اللي حولة وبدأ المراسلات بينهم ..
أتكلم انا الحين من مكتبة المعهد ساعتين فراغ قلت ادخل اشوف الوضع اللي صاير بعد اللخبطة اللي صارت بعد الترقيه التنسيقات كلها راحت لازمني أعيد كل شي من جديد ونصيحة لأي واحد يبي يرقي موقع انه ياخذ نسخة احتياطيه من ملف index.php و comment.php عشان ما يروح جهده في التغيير والتصميم على الفاضي
مثل ما صار لي 
قمت قبل يومين بجولة في سوف الكمبيوتر الصراحة السوق السعودي مدري شلون قايل مرة اسعار نار ومرة اسعار ما تتوقعها
مثلا قبل اسبوعين رحت ادور مذربورد قيقا بايت لقيت سعرها 250 ريال وقبل يومين دخلت صدفة واسال عنها لقيتها ب 170 ريال الله العالم وش بيصير بعد كذا ,, دورت Case للجهاز لكن ما لقيت شي مناسب الظاهر اني أبفصل لي واحد مخصوص كل المواد متوفرة بس باقي اعرف وش لون أستخدمها لا اسوي شي اندم عليه طول حياتي بسبب ذوقي الصعب 
Filled under General
View reactions
الله يعين …