كل مرة تجي تفرمت جهازك تعيد نفس السيناريو تدور النسخة اللي تبي تركبها على جهازك وتدور الرقم حقها وتدور التعريفات لجهازك والبرامج اللي تبي تركبها لكن اذا تبي تفتك من الغثا هذا أبعطيك كم خطوة عشان اذا جيت تفرمت من جديد ما تحتاج الا الى 15-25 دقيقه بالكثير
سو اعادة تهيئة للقرص الصلب كامل بحيث يكون مافيه الا قسم واحد بعدين شغل برنامج البارتشن ماجيك بالدوس بعدين قسم الهاردسك اذا كان حجمه 30 قيقا الى
1- 10 قيقا
2-5 قيقا
3- 15 قيقا
بعدين ثبت الويندوز على البارتشن الاول وحمل عليه البرامج اللي تبيها والتعريفات و سو التحديثات له وخله كامل مرة
بعدين استخدم النورتن قوست وسو ايميج لقرص ال C واحفظه في ال D
الحين صار عندك نسخة من جهاز كامل على ال D واي مشكلة في جهازك والا تبي تفرمت من جديد رجع النسخة هذي وخلاص
طيب وش فائدة البارتشن الثالث ؟
فايدته في انك تحفظ ملفاتك ومستنداتك عليه
ونصيحة في مجلد المستندات حوله على البارتشن الثالث عشان اذا صار خراب في الويندوز ولا قدرت تشغله ماتخسر ملفاتك وتلقاها على البارتشن الثالث
واذا بغيت ترجع النسخة من جديد استخدم نفس البرنامج النورتن قوست عشان ترجعها من جديد
والطريقة مجربه 
Filled under General
View reactions
فكرة موفقه بس لو اخليها بعد ما انزل كل برامجي الغثه افضل ولا شو رايك خيو
بحاول اتصارع مع الشبح هذا ان شاء الله.
هذه العملية لازمة كل شهرين لأن الويندوز يضجر بسرعة
نايف : الا أحسن بواجد بعد بس تصدق اني الى الان ما بعد سويتها مب عن شي بس عجز
ومشكور على الزيارة
عبدالكريم : صادق والله
عندي شبح 2003
كشخه بس ما نفع مع الهاردسك الخارجي يو اس بي ما ادري احد واجهه مثلي مشكله مشابهه كل مره يقلي الجهاز غير موجود في مرحلة الدوس بعد ما يعيد الجهاز عشان يسوي النسخة , اتمنى وصلتك الفكرة , حاولت اغير البورت من واحد الى ثلاثه الي عندي لكن بدون فايدة.
هلا نايف
والله مافهمتك صح
هل انت بتسوي ايميج للهاردسك الخارجي والا انت بتنسخ فيه ؟
شكر لك اهتمامك اخي فهد
انا بنسخ فيه ايوه…
على فكره جبت نسخة جديده من الشبح هذا الاصدارة تسعه لكني كنت مركب drive image 7 مارضي لنه موراضي ينحذف بالكامل فهل تعرف ايضاً لهذي حل لانه لو انحلت ما يحتاج الدوس في الاصدارة الجديدة.
شكراً مقدماً
حبيت أسلم عليك من زمان ماشفتك
أشوفك على خير
هلا نايف اسف على التاخير
طيب جرب ال drive image بدون ما تستخدم القوست اذا كان يسوي نفس شغل القوست
هلا عبدالله
الله يسلمك وحنا بعد مشتاقين
أرجوكم أنجدوني تم عمل فورمات لدرايف بالخطأ فكيف لي أن أسترجع ما كان بداخله ؟
ابو سمير
حياك الله
فيه برنامج اسمه easyrecovery PRO ممتاز جربته لكن بعض الملفات يرجعها لكن يوجد بها اخطاء ولا يقدر يفتحها لكن بعض الملفات رجعها زي الفل
السلام عليكم
شكرا لك أخي على النصيحة وفي ناس بيعرفوها، لكن ممكن تدلوني على موقع احمل منه “النورتون قوست” ؟
وشكرا يا إخواني، وحياكم الله.