وش الفرق بين ال Blog وال Journals
شفت فيه كم موقع blog لكن تحس انه فيه شي من الرسمية شوي او يكون متخصص في حاجة معينه
لكن في ال journals يكون مذكرات
يكتب الواحد
*
قمت الصبح الساعة 7.30
شربت شاهي وبعدين قعدت اتابع مسلسل همّن دخلت النت لقيت واحد من اخوياي كنت امس زعلان منه همن دخلت الموقع ذا و عجبني في مقال معين
همن عقب الظهر رحت أتقضى لأهلي همن رجعت ارقد
وهلمّ قرّا
*
بعض الناس يقول وش علي منك تروح والا تجي من انت عشان اهتم فيك
لكن انا اشوفها ممتعه ومفيده (بعض الاحيان) لي انا شخصيا
لأنه ممكن يقول من ضمن كلامه هذا بعض المواقف وكيف تصرف معها وكيف حلها او بعض الخبرات مكن يستفيد الواحد منها لكن وممكن يقراها اي واحد مب شرط مهتم بشي معين.
مثلا واحد مهتم بالكورة راح يتكلم عن الكورة في موقعه ( غالبا) اذا كان موقعه Blog وماراح يتفاعل معه الا واحد مهتم بالكورة لكن في ال journal يكون الواحد يتكلم عن تجارب وعن روحاته و جياته وعن تجاربه بعض الاحيان
يعني اللي اشوف موقعه journal
موقعي من زمان
وكذلك سردال
وعبدالله حاليا
بمعنى أخر , ال Blog تكون مركزة على تخصص الموقع ولا تركز على راعي الموقع واهتمامه
لكن النوع الثاني يكون خاص براعي الموقع بأفكاره وتجاربه وكل شي خاص فيه
Filled under General
View reactions