لصراحة يوم بعد يوم نلقا مواقع جديدة عربي تحت تصنيف Blog مثل موقعي يعني والبعض منهم يستمر و البعض لا واللي استمر مرتاح في هالنوع من المواقع لانه يفتك من التزامات المواقع الخدماتيه و مستوى الرسمية في هذي المواقع و من هذي المواقع اللي تستاهل من يزورها و أبدعوا أصحابها فيها موقع سردال و حرباز و الهايم و أبو احمد على فكرة أبو احمد جدته توفت الله يرحمها ويتقبل العزاء في موقع ابو احمد موجود في اليمين الرابط حقه الله يرحمها .
… اليوم راسلني واحد بس خسارة ما حط ايميله عشان أشكره وهو تنبيه عن خطأ كنت معدله من قبل بس مدري وش لون رجع و نبهني عليه واحد وعدلته و الظاهر اني رجعت النسخة القديمة بدون ما ادري و رجع الخطأ و الحمد لله صلحناه.
… الصراحة توني أكتشف ان Windows 2000 أفشل نظام نزلته ميكروسوفت حيث انه ما يطلع الموقع وكثرة الاخطاء اللي تظهر فيه و لا تظهر في أي نظام غيره و كانك أكثر المشاكل تظهر حينما تتصف منتدى او تتصفح موقعي هذا حيث تطلع لك الجداول بطريقة غبية و بلاوي ثانيه الله يستر عليها والى الان مالقيت لها حل …
… هذا تعليق و اضافة على موضوع كتبه حرباز في موقعه اللي هو حق الولد اللي كان اسمه مايك و اسم ابوه رو وقرر يضيف سوفت لاسمه و يسوي له موقع المهم ذالولد يوم سوا الموقع و كل شي تمام جته رسالة من شركة ميكروسوفت يقولون غير اسم موقعك قال لهم لا قالوا ترا بنغير اسمك الحقيقي قال كم تعطوني و أغير اسمي قالوا 15 ألف دولار >>>>> طبعا كل هالكلام اللي فهمته من موقعه . المهم عيا الولد و قال مب على كيفهم يغيرون اسمي عقب 17 سنة لا و حاط في الموقع قسم مخصص لاخر المستجدات في السالفة هذي و كاتب Mike Rowe vs Microsoft طبعا هالكلام أول الحين مدري وين راحت الكلمة الظاهر انهم وروه السنع
Filled under General
View reactions